Një studim i botuar në “Journal of Affective Disorders” paralajmëron prindërit ta mendojnë mirë përpara se të marrin fëmijët në shtratin e tyre, pasi një gjë e tillë konsiderohet si një veprim që shkakton nervozizëm dhe ankth tek fëmija.
Shumë prej jush mund të thonë që me fëmijët ndodh krejt e kundërta kur ata flenë me prindërit, pra ata qetësohen dhe ndihen të sigurtë, por shkencëtarët kanë shifra që hedhin poshtë këto hamendësime.
Në shqyrtim u morën 3,583 fëmijë për të parë sesi ndikon ndarja e një krevati me prindërit në sjelljet e tyre.
Hulumtuesit i ndanë fëmijët në katër grupe: Fëmijët që nuk e ndajnë shtratin me nënën e tyre (44.4% e pjesëmarrësve), ata që e kanë ndarë shpesh herë kur kanë qenë bebe (36.2%), fëmijët që flenë në të njëjtin shtrat deri 6 vjeç ( 12%), dhe fëmijët që flinin ende me prindërit (vetëm 7.4% e të studiuarve).
Studiuesit vlerësuan sjelljet e tyre në intervale të ndryshme kohe dhe fëmijët të cilët e kishin fjetjen me prindërit pjesë të rutinës, shfaqën më tepër probleme me përqendrimin sesa fëmijët e tjerë. Ata shfaqën çrregullime (si ankthi apo depresioni) çrregullim sjelljesh dhe ADHD (Mungese përqëndrimi dhe hiperaktivitet).
