Kjo është një pyetje që e kanë shumë vajza në menstruacionet e para, ose kur fillojnë përdorin tampona. Megjithatë, kjo është një zgjedhje personale.
Urina në vetëvete është sterile dhe në përgjithësi ka shumë pak ose aspak rrezik për infeksion. Por nëse fija e tamponit vihet në kontakt me feçe, mund të jetë më e ekspozuar ndaj rrezikut të infeksioneve bakteriale.
Gjithashtu, edhe pse urina nuk ka rrezik për infeksion, mbajtja e një tamponi për një kohë shumë të gjatë (më shumë se 8 orë) rrezikon një infeksion bakterial kërcënues për jetën që quhet Sindroma e Shokut Toksik.
Për ta përmbyllur, nuk ka të dhëna mjeksore ku sugjerohet ndërrimi i tamponit pas urinimit. Nga ana tjetër, nuk ka raste të njohura të marrjes së infeksioneve prej urinimit me tampon. Për femrat e shëndetshme, urina nuk ka fare ose ka shumë pak baktere të padëmshme. Megjithatë nëse keni një infeksion në fshikëz apo uretër, kjo mund të transferojë bakteret në organet gjenitale dhe të shkaktojë infeksion urinar. Por zakonisht, ndërrimi i tamponit është një zgjedhje personale dhe çështje rehatie./Elena Lika/Opinion.al
