Komisioneri Shtetëror i Zgjedhjeve, Ilirjan Celibashi është takuar sot me zëvendësministren e Shëndetësisë dhe Eugena Tomini, e cila është dhe anëtare e Komitetit Teknik të Ekspertëve për pandeminë e koronavirusit
Celibashi bisedoi me Tominin mbi situatën e pandemisë në vendin tonë dhe shqetësimin e ngritur lidhur me votimin e të infektuarve me Covid në zgjedhjet e 25 prillit 2021.
“Në fokus të bashkëbisedimit ishin implikimet që sjell situata e pandemisë në procesin zgjedhor dhe rëndësia e zbatimit të protokolleve që duhet të ndiqen dhe zbatohen për parandalimin e përhapjes së virusit gjatë procesit të votimit dhe numërimit të votave”,-shkruhet në njoftimin e KQZ./ Opinion.al
