Edhe pse më dukje një ditë pa zhvillime, e sotmja duket se ka sjelle disa zhvillime që ende janë ta paqarta, por që po synojnë gjetjen e një konsensusi mes palëve per zgjedhjet e ardhshme.
Vec ftesës se bërë nga Presidenti Nishani për të dyja palët mësohet se që dje por edhe sot ka pasur takime intensive mes kreut te PR Mehdiu dhe Sekretarit te Përgjithshëm të Këshillit të Ministrave Engjëll Agaci.
Edhe pse palët kanë qenë më shumë se të rezervuara, besohet se me lëshime reciproke mund të arrihet një marrveshje politike për zgjedhjet.
Sipas burimeve te Opinion.al po diskutohet për detajet konkrete. Të njëjtat burime bëjnë me dije se data e zgjedhjve është një nga pikat e nxehta të bisedimeve ajo varion nga 18 Qershori deri në javën e fundit të muajit korrik.
Në këto momente negociatat vijojnë ende dhe pritet që në mbledhjen e lajmëruar të grupit parlamentar të PD, kryetari Basha të njoftojë dhe rezultatin e tyre.
Opozita ndërkohë vec kushteve të saj për të hyrë në zgjedhje është në pritje edhe të garancive që do të mundësojnë realizimin e kërkesave të saj./Opinion.al
