Ditën e hënë më 18 Dhjetor, ora 10:00 Parlamenti mblidhet në seancë plenare. Pika 5 e rendit të ditës është votimi për Prokurorin e Përgjithshëm të Përkohshëm. Në garë janë prokurorët Arta Marku, Ferdinand Elezi dhe Ermira Tafani. Me votën e deputeteve të PS-së, njëri prej tyre do të vendoset në krye të akuzës.
Por a do të jetë Kryeministri Edi Rama në votimin e Kryeprokurorit?
Opinion.al ka mësuar se më 18 Dhjetor, Kryeministri ynë bashkë me Kryeministrat e tjere të Ballkanit janë të ftuar nga Federica Mogherini për një takim joformal. Pra një takim fundviti miqësor.
Opinion.al u interesua pranë zyrës së shtypit në Kryeministri për të mësuar mbi axhendën e z.Rama ditën e hënë por nuk morën një përgjigje zyrtare. Ata thanë se Rama do të jetë në Bruksel, por pa specifikuar nëse do të qendrojë deri mesditën e së hënës në Tiranë, kur votohet Kryeprokurori i mazhorancës. /Opinion.al
