Komiteti i Ekspetëve në Shqipëri ka deklaruar ditën e sotme se nuk ka asnjë plan për të shkuar drejt vaksinimit të detyruar nëse të rinjtë refuzojnë të marrin vaksinat anti-COVID.
Duke iu përgjigjur interesit të gazetarëve në mbledhjen e parë pas konfirmimit të variantit Delta në Shqipëri, zv/ministrja Mira Rakacolli u shpreh se nga ditët e vaksinimit masiv, është vënë re një sensibilizim i lartë mes të rinjve që kanë marrë dozën e parë të vaksinës.
Sensibilizimi për efektin e vaksinimit nuk është vetëm i ministrisë, por i të gjithë shoqërisë. Të dhënat që ne kemi, në vaksinimin e hapur, numri i të rinjve është i mirë. E kanë kulturën shëndetësore, të vaksinimit. Nuk besoj do shtrohet problemi i vaksinimit të detyruar. Sepse të rinjtë e dinë që duhet të bëjnë vaksinën.” u shpreh Rakacolli.
Nga ana e saj, drejtoresha e ISHP, Albana Fico, apeloi të rinjtë të vaksinohen duke përfituar nga ditët e vaksinimit masiv./Opinion.al
