Për shumë njerëz, të parit video pornografike kur janë vetëm, është një kënaqësi më vete.
Meshkuj apo femra, të gjithë mendojnë se të parit videot pornografike është një veprim intim, që nuk ua sheh askush, që e shijojnë të vetëm.
Por ky lajm do t’ua zbehë sigurinë që keni.
Brett Thomas, me profesion inxhinjer, ka zbuluar se fansat e përmbajtjes pornografike mund të përballen me zbulimin e tërë historisë së tyre të shikimit të pornografisë në internet.
“Në çdo kohë, dikush mund të postojë në një faqe interneti histori që ua lejon njerëzve të kërkojnë për dikë me email ose me llogarinë e tyre në Facebook apo emrin e përdoruesit dhe të shohin historinë e tyre të shfletimit të internetit me përmbajtje pornografike” ka thënë Thomas.
Thomas ka vazhduar të shpjegojë se edhe shikimi i përmbajtjes në format private që i ofrojnë shfletuesit ose në formën “Incognito”, sërish lë një gjurmë unike për çdo herë që ju vizitoni një faqe interneti më përmbajtje porno.
Pothuajse të gjitha faqet që ju i vizitoni, edhe ato që janë të dedikuara për të rritur marrin të dhënat tuaja, të cilat janë tepër të vlefshme për kompanitë, dhe të njëjtat ruajnë çdo vizitë tuajën.
