Largimi i Fatmir Xhafajt nga Ministria e Brendshme dhe emërimi i Sandër Lleshit, mund të sjellë shumë ndryshime.
Këtë fakt e paralajmëron një tjetër ish-ministër në qeverinë ‘Rama 1’.
Ylli Manjani shkruan në profilin e tij në Facebook se Ministria e Brendshme mund të ndahet për të shtuar një tjetër post në qeverinë e Ramës.
Reagimi i plotë i Ylli Manjanit:
Po tani?!..
Pas operacionit politik të largimit të Xhafajt nga qeveria, ndoshta më i sikletshmi për Edi Ramën, qeveria do jetë e gjitha në shërbim të partisë.
Partia Socialiste në fakt ka shumë pakënaqësi me qeverinë dhe Edi Ramën.
Ky i fundit goditi jo pak elementë elektoralë të saj.
Goditjet kanë kosto, të cilat tashmë do ti marrë mbi supe Xhafaj…
Ai do jetë ‘fajtori’ për klimën e goditjeve dhe arrestimeve që dëmtuan partinë.
Lojë e njohur kjo.
Ndërkohë qeveria do pësojë edhe ndonjë ndryshim ndoshta strukturor.
Dmth ndahet ndonjë superministri për të shtuar ndonjë socialist me përvojë politike e parlamentare ne kabinet.
Gjithçka bëhet për të qetësuar dhe mbledhur partinë…
Me këtë retush politik Rama harron skandalet dhe futet në fushatë.
Ka vetëm një problem për të zgjidhur: opozita! Çdo bëjë me të?! Si ta kthejë në parlament që të bëjë fasadën!
Kjo është çështja!!!
