Kryetari i PD, Lulzim Basha ka lënë të kuptohet sot se “çadra e lirisë” mund të mbyllet pas protestës së nesërme para kryeministrisë. Ai tha se qendresa 3 mujore e PD-së do të përmbyllet sot, dhe nesër do të nisë rruga për krijimin e Republikës së re. Deklarata e tij bën të mendosh se çadra do të mbyllet, por gjithsesi kjo nuk konfirmohet zyrtarisht nga opozita. Opinion.al kontaktoi disa burime në PD që thanë se ne kremi programuar vazhdimin e protestës në çadër, por janë të hapur mundësinë se në ditët në vijim edhe mund të mbyllet çadra.
Sipas burimeve nga PD, gjithçka do të jetë në varësi të masivitetit. Çadra mund të mbyllet, por ende nuk ka vendim përfundimtar. Ekziston një ide që çadra të mbyllet dhe të dalim në një tur shpjegues nëpër rrethe, saktesuan burimet.
“12 javë protestë, pra 3 muaj protestë, do të inaugurohen dhe përmbyllen sot, pasi nesër nisim rrugëtimin për Republikën e re dhe rrëzimin e Republikës së vjetër. Nesër shpresa merr rrugën për zgjidhjen e problemeve të shqiptarëve. Nesër bashkohen të gjithë në këtë shesh për të përmbysur Republikën e vjetër”, deklaroi Basha. /Opinion.al
