Katër vite më parë këngëtarja e njohur Celine Dion humbi bashkëshortin e saj, Rene Angeli, i cili u nda nga jeta për shkak të një sëmundje të rëndë.
Gjatë intervistës së saj më të fundit në “Watch What Happens Live with Andy Cohen”, Dion ka treguar për kohën e kaluar pa bashkëshortin e saj dhe gjithashtu nëse mendon të martohet sërish.
“Tani nuk kam një të dashur. Por kjo nuk do të thotë se nuk do të gjej dikë në jetën time. Nëse do e gjeja do të ishte shumë mirë. Nëse nuk do e gjeja do të ishte shumë mirë, sepse unë vazhdoj të jem e dashuruar. Unë kam jetuar gjithë jetën me Rene, ai është akoma brenda meje. Unë e shoh atë çdo ditë në sytë e fëmijëve të mi. E dua jetën dhe ndihem me fat që kam tre fëmijë. Por do të jem e hapur nëse ndodh. Tani nuk po kërkoj gjë. Mendoj se është diçka që ndodh, vjen dhe ti e ndjen”,-është shprehur ajo.
Pas vdekjes së bashkëshortit Dion u diskutua në media për një lidhje me një mik të sajin, lidhje të cilën ajo e ka mohuar tërësisht pasi ata janë vetëm miq të mirë./Opinion.al/
