Instituti i Gjeoshkencave jep lajmin e mirë. Nga nesër jugu i vendit, që aktualisht është I përmbytur nuk do të ketë më reshje. Pjesa qendrore e veriore do të kenë shira të dobët, ndërsa në zonat e thella malore të veriut e verilindjes do të ketë reshje bore.
“Vjosa pritet të ulë ndjeshëm prurjet përgjatë ditës së sotme (e diel). Janë hequr paralajmërimet për vazhdimin e përmbytjes në qarqet Fier dhe Vlorë. Nga llogaritjet e fundit hidrologjike rezulton se, në pjesën fushore të këtij lumi do të ulet ndjeshëm rreziku nga përmbytja. Përgjatë mbrëmjes së sotme (e diel) lumi Vjosa do të kthehet në shtratin e vet natyral”, njofton Instituti i Gjeoshkencave.
Ndërsa për pjesën tjetër të territorit nuk parashikohet rrezik i shtuar nga përmbytjet e lumenjve.
TEMPERATURAT
E hënë, dt.04/ temperaturat minimale dhe maksimale të ajrit pritet të arrijnë:
në bregdet: 5 °C / 12 °C
në vendet e ulta: 4 °C / 12 °C
në vendet malore: -3 °C / 6 °C.
