Kreu i Partisë së Lirisë, Ilir Meta ishte në një konferencë për mediat. Meta u pyet nga gazetarët nëse do të zhvillohen protesta nga ana e opozitës.
Kreu i Partisë së Lirisë u shpreh se opozita do të bëjë protesta. Ndër të tjera ai shtoi se edhe qytetarët duhet të reagojnë dhe të bëjnë gjithçka që të jetojnë me dinjitet.
“Opozita do të bëjë gjithçka që duhet, por dhe shoqëria duhet të bëjë gjithçka në mënyrë që të gjithë të jetojnë me dinjitet. Opozita ka bërë protesta. Pa asnjë diskutim që do të bëjë protesta dhe është shumë e rëndësishme që të kuptojmë që shoqëria duhet të reagojë dhe të gjithë duhet të bëjnë zgjedhjen e tyre që të jetojnë si qytetarë të lirë, të paintimidueshëm, as nga shefat e administratës ku punojnë. Ky është një proces i përbashkët dhe besoj do të kemi kohë të gjithë për të reflektuar për këtë proces”,-tha Meta./Opinion.al
