Në studion e ‘Opinion’ Vangjush Dako, ka deklaruar se nuk është ai që vendos nëse do të kandidojë për kryetar Bashkie sërish në zgjedhjet e ardhshme, po strukturat e PS-së.
Dako u shpreh se edhe nëse nuk do të jetë kandidat ai do të drejtojë fushatën në Qarkun e Durrësit.
“Unë nuk e ndjej veten të lodhur, por mund ta shikoj veten edhe në një pozicion tjetër. Unë në të dyja rastet nuk di zgjedhje të vazhdoj kryetar bashkie apo një pozicion tjetër. Nuk mund të largohem dot nga ai qytet sepse e dua atë qytet.
Jam apo s’jam kryetar bashkie unë do të drejtoj fushatën në të tre bashkitë e qarkut të Durrësit. Në Krujë, në Shijak, në Durrës dhe që treja janë të fituara”, ka deklaruar Dako në Opinion./Opinion.al
