U tha që do të ekstradohej në mes të dhjetori, por biznesmeni italian Francesco Beccheti do të jetë larg drejtësisë shqiptare edhe për për pesë muaj të tjerë
I shpallur në kërkim për mashtrim, pastrim parash, dhe evazion fiskal, drejtësia britanike do të vendosë në maj të 2016-tës nëse Beçheti do të ekstradohet apo jo në Shqipëri.
ReportTv ka zbardhur dispozitivin e vendimit të dhënë më 7 dhjetor nga gjykata Londineze, ku për të shyqrtuar pretendimet e palëve i është dhënë 5 muaj kohë trupit gjykues i cili në datë 16-20 maj do të dalë me një vendim.
Aktualisht biznesmeni Italian ndodhet në Angli sëbashku me Administratorin e Pronave të tij Mauro De Renzis dhe janë nën masën e sigurisë detyrim paraqitje pas ndalimit të tyre në nëntor të këtij viti viti nga policia.
Prokuroria shqiptare ka mbaruar hetimet për Bechettin dhe De Renzin dhe i ka depozituar gjykatës dosjen dhe pritet që ky proces të nis në Janar të 2016-ës.
Bechetti dhe De Renzi u shpallën në kërkim në muajin Shkurt, por prej më shumë se 10 muaj ata u larguan nga Shqipërië për tu fshehur në Angli ku dhe u zbuluan në Nëntor dhe u ndaluan me kërkesë të Interpol Tiranës.
Dispozitivi i gjykatës Londineze ka mbërritur në prokurorinë e përgjithshme, ku autoritetet angleze njoftojnë palën shqiptare se dy shtetasit italian të pandehur në shqipëri kanë kërkuar dhe zëvëndësim mase në Angli.
Ata i janë drejtuar gjykatës me një kërkesë për heqien e detyrim paraqtije, kërkesë për të cilën do të vendoset në dt.1 shkurt nëse do të pranohet apo jo.
Fracesco Bechetti dhe De Renzis aktualisht nuk mund të lëvizin nga Londra pasi atyre u janë bllokuar dhe pasaportat deri në një vendim të dytë të gjykatës, masë kjo që lidhet me kërkesën për ekstradim drejt Shqipërisë. (Shqiptarja.com)
