UFO-t? Shumë shpejt do të njohim të vërtetën. Ekzistojnë, apo jo? A ka patur ndonjë herë mesazhe nga hapësira? Çfarë përmban e famshmja “Area 51”?
Të gjithë provat e mbledhura nga Shtëpia e Bardhë, të ashtuquajturat X-files, do t’i bëhen të ditura publikut. Dhe këtë do ta bëjë presidenti në ikje i SHBA-ve, Barack Obama, i cili do të zbulojë misterin e UFO-ve .
Të paktën kështu referon Stephen Bassett, drejtor ekzekutiv i “Paradigm Research Group” (PRG) dhe që është një prej personave që lobon prej thuajse 20 vitesh në Amerikë, duke i bërë presion Pentagonit, për të bërë publike të dhënat që ata kanë në pronësi me lidhje me jetën e alienëve.
Sipas Basset, është e sigurt që jashtëtokësorët ekzistojnë dhe kjo e vërtetë do t’i tregohet të gjithëve nga presidenti Obama, i cili do ta bëjë këtë zbulim top-secret, përpara se t’i mbarojë mandati i tij.
Pas tij, sipas Basset, edhe kryeministri i Britanisë, David Cameron, do të ndjekë shembullin e tij.
“Jemi gati! Obama do të jetë presidentit që do të bëjë “zbulimi”. Ai do të fitojë çmimin Nobel, për këtë”– ka thënë Bassett për gazetën “Daily Express”.
Sipas tij, Obama është nën presion për shkak të premtimeve të Hillary Clinton, të bëra gjatë fushatës së saj elektorale, e cila ka premtuar një transparencë për çështjen e UFO-ve./Klan
