Te Fundit

A do të bashkohet Tirana me Durrësin?


Bëhu pjesë e Grupit Zyrtar të Opinion.al
>> KËTU <<
               Publikuar në : 09:18 - 10/09/15 |
b.f

TIRANE- Një projekt për bashkimin e Tiranës me Durrësin është në tryezën e punës në Ministrinë e Rregullimit të Territorit. Bëhet fjalë për bashkim ekonomik dhe logjistik. Rajoni i ri sipas projektuesve do të quhet ‘Durana’.

“Do të ketë projekte të përbashkëta të zhvillimit në fushat e planifikimit të territorit, të infrastrukturës së transportit, ujit, energjisë dhe projekte të tjera në menaxhimin e mbetjeve, të përmirësimit të cilësisë së ajrit dhe zhvillimit ekonomik”, thonë burimet. Çka është më e rëndësishmja; edhe logjistika do të jetë e njëjtë për këtë rajon të ri që pritet të krijohet.

Rajoni “Durana”do të jetë porta hyrëse e Korridorit 8, pikëprerja e aksit Veri- Jug dhe porta hyrëse e rrugës së Arbrit dhe si e tillë ajo duhet të menaxhojë flukset kombëtare dhe ndërkombëtare, tokësore, detare dhe ajrore. Në këtë plan parashikohet ndërtimi i klasterit të logjistikës. Krijimi i strategjisë së transportit për lëvizjen e mallrave dhe krijimi i nyjeve të magazinimit dhe përpunimit të mallrave është në fokusin primar të zhvillimit të Rajonit Durana. Aeroporti dhe transporti ajror dhe porti janë planifikuar të lidhen me rrjetet multimodale të logjistikës. Do të vihet në eficensë aksi në veri të rajonit, Vorë-Kashar-Vaqar-Arbanë –Elbasan. Do të ndërlidhet rruga e Arbrit me Korridorin 8. Aksi i Ndroqit do të kalojë në konservim dhe do të evidentohen polet logjistike rajonale. Do të krijohen barriera të forta për moslejmin e zhvillimit rural ose urban në zonën e ndërveprimit ajror në aerport. Gjithashtu do të planifikohen hapësirat për shtimin dhe zgjerimin e aeroportit të mallrave dhe të pasagjerëve.

Projekti është ende në fazë fillestare. “Po prezantohen skicë-ide”, thonë burime nga Ministria e Zhvillimit Urban.

KOMENTO (0)

Shkruaj nje koment

    Pas