Shqipëria ka hapur ditën e sotme kapitullin e parë të negociatave për anëtarësim me Bashkimin Evropian.
Për të folur rreth kësaj çështje, deputetja e Partisë Demokratike Jorida Tabaku ka dhënë një intervist për emisionin ‘Opinion’ në TV Klan.
E pyetur nëse opozita ka ndonjë pengesë për tu ulur në tryezën e bashkëpunimit me mazhorancën për ta çuar Shqipërinë përpara në Bashkimin Europian, Tabaku u shpreh se ky është një proces kombëtar.
A ka pengesë opozita, në këto momente për shkak të problemeve juridike që ka zoti Berisha, për tu ulur në tryezë me mazhorancën për të punuar dhe për ta çuar Shqipërinë përpara në BE?
Jorida Tabaku: Forcat politike nuk kanë pse ulen në tryezë që kjo të ndodh, sepse ky është një proces parlamentar, është një proces kombëtar. Por fatkeqësia që po ndodh është se qeveria po e trajton këtë si një proces qeveritarë, jo si një proces kombëtar.
Dhe nuk ka një diskutim për procesin e integrimit. Nuk ka një diskutim me shoqërinë civile, me forcat politike. Edhe opozita që ka një rol këtu në parlament, sot përsëri në konferencën e dytë apo para dy vitesh në konferencën e parë, nuk ka pasur asnjë ftese për të bashkëpunuar. Dhe pak rëndësi ka se çfarë ndodh atje, për ne ka rëndësi çfarë ndodh këtu.
Dhe sot me të gjitha vështirësitë që ka, se ju përmendët sigurisht vështirësitë kur lideri i opozitës, zoti Berisha është në shtëpi dhe nuk është pjesë e debatit parlamentar por edhe publik për këtë çështje.
Ne kemi një hezitim nga qeveria për të na përfshirë në politikë, por edhe për të marrë iniciativa për ta zgjeruar si proces. Janë duke e trajtuar procesin aq burokratik, edhe kush vjen në parlament që e prezanton, sa takime të larta bëjnë, sa herë shkojnë në Bruksel. Po ky nuk është proces integrimi. Procesi i integrimit janë ndryshimet reale për qytetarët.
Për shembull, dokumenti që është prezantuar sot në konferencën e dytë ndërqeveritare, qeveria ka thënë që nuk do të ketë një reformë zgjedhore para zgjedhjeve, do te jetë pas 2026./ Opinion.al
