Ish-presidenti Ilir Meta ka dhënë një prononcim të shkurtër për gazetarët pa përfundimit të Konventës, ku bëri të ditur edhe ndryshimin e emrit të LSI në Partia e Lirisë.
I pyetur nëse do të takohet në vijim me Sali Berishën, ai zgjodhi të mos japë përgjigje konkrete duke theksuar nga sot nis puna për të përmbyllur konventën e ardhshme.
“Sovraniteti i qytetarëve dhe interesave më të larta të vendit dhe shtetit. Mbizotëron liria dhe sovraniteti mbi çdo gjë tjetër. LSI e krye misionin e saj. Tani është liria dhe referendumi që do qëndrojë si shpata e Demokleut mbi këtë klasë politike për të çuar para procesin e integrimit.
Nga sot nis puna. Çdo ditë pa ndërprerje. Në dy muaj duhet të jetë përmbyllur konventa e ardhshme që do të jetë një mesazh i shpërthimit të energjive më vitale të të rinjve dhe intelektualëve në mbrojtje të atdheut të tyre”,-tha Meta.
