Parlamenti do të mblidhet sot pasdite (ora 18:00) në një tjetër seance plenare për të votuar dy komisione të reja ad- hoc për Vetingun që do të kenë në total 18 anëtarë.
Komisioni i parë do të ketë 12 anëtarë, të ndarë në barazi mes dy palëve. Ndërsa në komisionin e dytë me 6 anëtarë do të ketë 3 deputetë nga maxhoranca dhe 3 nga opozita.
Edhe seanca e sotme ashtu si ajo e një javë më parë pritet të zhvillohet formalisht pasi në mungesë të opozitës, përfaqesuesit e saj në të dy komisionet nuk mund të zgjidhen.
Rrjedhimisht këto komisione ad-hoc mbeten jo funksionale për procesin e Vetingut, deri në plotësimin me anëtarët e opozitës.
Sot në mesditë, 3 partitë (PS, LSI, PDIU) bënë publik emrat e deputeteve të tyre për në komisionet e Vetingun. (Lista me poshte)
Në seancën e pasdites, pritet të shihet qendrimi i PS ndaj PDIU-së nëse do t’ia lejojë apo jo një anëtar në dy komsionet ad-hoc. Kujtojmë se një javë më parë Mesilda Doda shprehu pakënaqësi në emër të PDIU pasi kjo parti pjesë e koalicionit të majtë nuk u përfshi në komisionet e Vetingut.
Propozimet e sotme
Komisioni me 12 anëtarë (6 mazhoranca)
Vasilika Hysi (PS), Pandeli Majko (PS), Ervin Bushati (PS), Bashkim Fino (PS), Silva Caka (LSI), Luan Rama (LSI), Mesila Doda (PDIU).
Komisioni me 6 anëtarë (3 mazhoranca)
Ulsi Manja (PS), Evis Kushi (PS), Vangjel Tavo (LSI), Shpëtim Idrizi (PDIU)
/Opinion.al
