Një prej vendeve lider në BE, Gjermania, e ka bërë sot të qartë se nuk do ta njohë pavarësinë e njëanshme të Katalonjës.
Zëdhënësi i qeverisë gjermane Steffen Seibert, deklaroi sot se Berlini po e ndjek me shqetësim përshkallëzimin e situatës në Spanjë, duke shtuar se Gjermania mbështet qeverinë spanjolle dhe s’do ta njoh pavarësinë.
Katalonia shpalli sot pasdite pavarësinë dhe sovranitetin në Parlament, ndërsa Madridi iu kthye me të njëjtën monedhë duke autorizuar marrjen në kontroll të rajonit.
Deputetët katalanas votuan pro pavarësisë dhe sovranitetit të rajonit me 70 vota pro dhe 10 kundër, ndërkohë që dy fletë votimi rezultuan bosh. Rezultati u prit me entuziazëm nga deputetët e pavarësisë, të cilët duartrokitën vendimin duke kënduar në kor himnin katallan, “Els Segadors”.
