Ish-kryeministri, Sali Berisha në një prononcim për mediat tregoi kushtin që kishte për t’u paraqitur sot në GJKKO për t’u pyetur lidhur me akuzat që janë ngritur ndaj tij.
Gjatë deklaratës së tij, Berisha theksoi se “jam i gatshëm të paraqitem për tu pyetur, por nuk pranoj kurrë të shkel Kushtetutën”.
Berisha kërkoi ndryshimin e Kushtetutës, për heqjen e imunitetit të deputetit dhe çdo mase kufizuese, duke shtuar se “jam autor i ligjit që kjo mbrojtje nuk duhet të ekzistojnë”.
“Gjersa ky ligj është në Kushtetutë s’mund të pranoj asnjë lloj kompromisi për shkeljen e tij. Po konsultohem me juristë për të ndërmarrë të gjitha hapat ligjore në mbrojtje të Kushtetutës.
Mënyra ime ishte e kthjellet si kristali, jo si qielli se paska re. Jam i gatshëm të paraqitem për t’u pyetur, por nuk pranoj kurrë të shkel Kushtetutën, të ndryshojmë Kushtetutën, jam autor i ligjit që kjo mbrojtje nuk duhet të ekzistojnë. Të ndryshojmë kushtetutën dhe jo ta menderosim”, tha Berisha.
