Vëzhguesit ndërkombëtarë të zgjedhjeve vendore në Tiranë do të mbajnë konferencë për shtyp të hënën në orën 15:00. Shefja e misionit të vëzhgimit të zgjedhjeve të ODIHR, Audrey Glove do të paraqesë gjetjet dhe përfundimet paraprake mbi mënyrën e zhvillimit të procesit zgjedhor.
Glover do japë një vlerësim zyrtar të procesit zgjedhor mbi pajtueshmërinë me angazhimet e OSBE-së, standardet për zgjedhjet demokratike, si dhe me legjislacionin kombëtar. Misioni vëzhgues i Zyrës së OSBE-së përbëhet nga 174 vëzhgues nga 33 vende të ndryshme.
Ndërkohë, ambasadori i OSBE në Tiranë Bernd Borchardt dhe drejtuesja e Prokurorisë se Krimeve të Rënda, Donika Prela firmosen një memorandum mirëkuptimi për
bashkëpunimin dhe Komunikimin midis Policisë Gjyqësore dhe Prokurorisë në Procedimet Penale. Në dalje Bochart u pyet nga mediat nëse zgjedhjet e se dielës do të certifikohen.
“ Kjo është një pyetje që duhet t’ia beni te hënën shefes apo vëzhguesve së monitorimit te zgjedhjeve të OSBE-ODIHR, besoj se ato do të kenë një raport konkret ”, theksoi ai./ Opinion.al
