Kreu i Partisë së Lirisë, Ilir Meta, në një prononcim për mediat këtë të mërkurë është pyetur nga gazetarët nëse është i gatshëm që të qëndrojë mbi palët dhe të negociojë një bashkim të Partisë Demokratike.
Meta tha kjo nuk është çështje negociatash ndërsa shtoi se aksioni në parlament është ai që unifikon opozitën.
“Aksioni në parlament është ai që unifikon opozitën, nuk është çështje negociatash, opozita ka mundësitë të bëj opozitë më të fuqishme se deri tani. Edhe kjo opozitë që është bërë deri më tani, në këto kushte shumë të vështira, por mos harroni se këto skandale janë ngritur nga opozita dhe ajo duke i bashkuar forcat i ka mundësitë të jetë e sukseshme dhe shumë shpejt të garantojë një ndryshim të fortë”-tha Meta.
