Ish-kryeministri Sali Berisha në një bashkëbisedim me qytetarët të realizuar ditën e sotme, ka thënë se qëllimi numër një i PD është rikthimi i të drejtës së shqiptarëve për të votuar si qytetarë të lirë.
Sipas tij qeveria e kryeministrit nuk ka legjitimitet, pasi u votua mbi sistemin e patronazhistëve dhe makinerinë e grabitjes së votës.
I pyetur nga qytetarët, nëse opozita fiton shumicën e bashkive a do ketë protesta për zgjedhje të parakohshme parlamentare, Berisha tha se në këtë fushatë Rama po shkel çdo rregull të zgjedhjeve të lira dhe se në fund fatura do t’i shkojë atij.
“Qeveria e Edi Ramës nuk ka legjitimitet. Ai ka humbur që në krijimin e saj.
Kjo qeveri u votua mbi sistemin e patronazhistëve dhe makinerinë e grabitjes së votës.
Qëllimi numër një është rikthimi i të drejtës së shqiptarëve për të votuar si qytetarë të lirë.
Unë ju garantoj se do bëhet gjithçka për t’i shkurtuar jetën qeverisë së Edi Ramës dhe që qytetarët të votojnë të lirë. Edhe në këtë fushatë, Rama po shkel çdo rregull dhe parim të zgjedhjeve të lira dhe të barabarta.
Në fund, fatura do i shkojë vetëm atij. Ne do fitojmë!”, tha Berisha./Opinion.al
