Kryeministri i Shqipërisë, Edi Rama, sonte, në studion e emisionit “Dritare me Rudinën” ka deklaruar se PS dhe LSI nuk do të kenë asnjë kandidat në fazën e parë të zgjedhjes së presidentit. Sipas tij, do t’i jepet një mundësi PD të reflektojë dhe të përfshihet në këtë proces.
“Ne kemi pasur një takim pasi ka folur kryetari i LSI dhe i takonte atij si kryetar i Kuvendit që të deklarohej se ne do të respektojmë procedurat kushtetuese. Ne do t’i japim hapësirë opozitës që të përfshihet në këtë proces, prandaj nuk do të paraqesim kandidatë në fazën e parë të zgjedhjes së presidentit. Nuk mendoj se presidenti Nishani do të ishte një kandidat konsensual se nuk ka anshmëri relative”, tha Rama
Në lidhje me emrat e tjerë për President të Republikës, kryeministri Rama u pyet edhe për emrin e Fatos Nanos. Ai theksoi se me Nanon kishte marrëdhënie shumë të mira, por nuk do dëshironte të komentonte më gjatë.
“S’dua të marr emra konkret. Kemi marrëdhënie shumë të mirë. Por s’merrem me katundin mediatik. Respekti për të mendoj se është të mos të marrim njërëz nëpër gojë”, tha Rama.
