Mjeku Pëllumb Pipero tha se gjendja në spitalin infektiv me të shtruarit e prekur nga COVID -19, është serioze. Duke theksuar se në këto kushte shumë e rëndësishme është mbajtja e maskës, mjeku u bëri thirrje qytetarëve për të treguar kujdes.
I pyetur nga gazetari Blendi Fevziu, nëse hapja e transportit publik do të rrezikonte shtimin e rasteve, Pipero tha: “Unë mendoj se transporti publik duhet hapur. Ka shumë vende që nuk e kanë mbyllur asnjëherë. Është e dosmodsohme, sepse vitalizon një sektor shumë të rëndësishëm të ekonomisë. Mjafton që në autobus të vendosim maskën dhe jemi tërësisht të mbrojtur. Por duhet shtuar numri i mjeteve në mënyrë që njerëzit të qëndrojnë sa më pak në stacion dhe kjo në mënyrë të menjëhershme ul numrin e personave që qëndrojnë në mjet./Opinion.al
