Kryeministri Edi Rama në një prononcim për mediat këtë të martë është pyetur nga gazetarët nëse Shqipëria do ta ndihmojë Kosovën me forca policore për shkak të tensioneve të ditëve të fundit në veri.
Rama tha se Kosova është një shtet i pavarur dhe nuk ka arsye që në territorin e saj të ketë forca policore të shteteve të tjera.
“Për çfarë arsye do e ndihmojë Shqipëria Kosovën, për çfarë arsye Kosova duhet të ketë forca policore të shteteve të tjera në territorin e saj që është një territor, integritetin e të cilit e mbron një bashkësi e tërë ndërkombëtare”- tha ai.
