Ditëlindja e parë e vajzës së Khloe Kardashian po afron. Të gjithë janë kureshtar nëse ajo do ta ftojë ish-partnerin tradhtar në festën e madhe që është duke organizuar për të voglën True. Sipas burimeve afër familjes Kardashian, mësohet se asnjë nga anëtarët nuk duan të shohin Tristan Thompson në këtë ditëlindje.
Por mesa duket Khloe ka vendosur t’a ftojë. Sipas mediave të huaja ajo nuk dëshiron që e vogla të rritet pa njërin nga prindërit dhe dëshiron që Tristan të jetë në ditëlindjen e saj.
Ajo e ka kuptuar se çfarë ka ndodhur në marrëdhënien e tyre nuk duhet të ndikojë tek True, që kërkon mbështetjen e të dyve, duke mos dashur të hakmerret apo të tregohet negative.
Mbetet për t’u parë se sa do të funksionojë një marrëdhënie e tillë mes të dyve. Khloe dhe Tristan u ndanë pasi ajo mësoi për tradhtinë që ai kishte bërë me mikeshën e familjes Jordyn Woods./Xh.K/Opinion.al/
