Rajoni

Gjermania drejt lehtësimit të procedurave për marrjen e nënshtetësisë



Bëhu pjesë e Grupit Zyrtar të Opinion.al
>> KËTU <<
               Publikuar në : 14:35 - 26/11/22 |
Opi Nion

Qeveria e Gjermanisë po çon përpara planet për të lehtësuar rregullat për marrjen e shtetësisë në vendin më të populluar të Bashkimit Evropian, një përpjekje kjo që po sulmohet nga opozita konservatore.

Kancelari OIaf Scholz tha përmes një videomesazhi, më 26 nëntor se Gjermania është bërë prej kohësh “vendi i shpresës” për shumë njerëz dhe është një gjë e mirë kur njerëzit që kanë vendosur rrënjë në vend vendosin të marrin nënshtetësinë.

“Gjermania ka nevojë për rregulla më të mira për natyralizimin e të gjitha këtyre grave dhe burrave të mëdhenj”, tha Scholz.

Rishikimi i rregullave të shtetësisë është një nga një seri reformash modernizuese që koalicioni tre-partiak i socialdemokratëve të qendrës së majtë të Scholz-it, ranë dakord të trajtojnë kur mori detyrën dhjetorin e kaluar.

Ministria e Brendshme tha të premten se projektligji është “gati i gatshëm”.

Marrëveshja e koalicionit të vitit të kaluar kërkon që njerëzit të kenë të drejtë për nënshtetësinë gjermane pas pesë vjetësh, ose tre në rast të “arritjeve të veçanta të integrimit”, në vend të tetë apo gjashtë vjetësh sa është rregulli aktualisht.

Fëmijët e lindur në Gjermani do të bëhen automatikisht shtetas nëse njëri prind ka qenë rezident i ligjshëm për pesë vjet.

Qeveria gjithashtu dëshiron të heqë kufizimet për mbajtjen e shtetësisë së dyfishtë. Në parim, shumica e njerëzve nga vende të tjera përveç anëtarëve të Bashkimit Evropian dhe Zvicrës aktualisht duhet të heqin dorë nga shtetësia e tyre e mëparshme kur të fitojnë shtetësinë gjermane, megjithëse ka disa përjashtime.

Ministrja e Brendshme Nancy Faeser argumentoi se reduktimi i kohës së pritjes për t’u kualifikuar për shtetësi është “një nxitje për integrim”.

Qëllimi është të pasqyrojë realitetin, tha ajo të premten.

“Ne jemi një vend i larmishëm, modern i imigracionit dhe mendoj se legjislacioni duhet ta pasqyrojë këtë”, tha Faeser.

Statistikat zyrtare tregojnë se rreth 131,600 njerëz morën shtetësinë gjermane vitin e kaluar, një e katërta e tyre qytetarë të vendeve të tjera të BE-së.

Numri ishte 20 për qind më i lartë se një vit më parë, pjesërisht për shkak se një numër në rritje i sirianëve u natyralizuan. Popullsia e përgjithshme e Gjermanisë është rreth 84 milionë.

Blloku kryesor i opozitës së qendrës së djathtë, Bashkimi kundërshton planet për të liberalizuar ligjet e natyralizimit./REL

 

Sport

Kupa e Botës/ Australia fiton me rezultatin 1-0 ndeshjen me Tunizinë



Bëhu pjesë e Grupit Zyrtar të Opinion.al
>> KËTU <<
               Publikuar në : 14:33 - 26/11/22 |
Opi Nion

Australia ka mposhtur me rezultatin 1-0 Tunizinë në Kupën e Botës.

Goli u shënua në minutën e 23-të, moment kur australianët u treguan të saktë, duke thyer mbrojtjen kundërshtare dhe duke gjetur rrjetën.

Mitchell Duke devijoi saktë drejt portës një krosim nga e majta e sulmit, për të mposhtur portierin dhe dërguar në delir tifozët australianë në shkallët e stadiumit “Al Janoub”.

Pavarësisht se pati tentativa nga tunizianët, nuk arritën të barazojnë rezultatin.

Australia tani do ta kthejë vëmendjen në ndeshjen e fundit në grup të mërkurën kundër Danimarkës. Ndërkohë, Tunizia është në prag të daljes nga Kupa e Botës dhe përballet me kampionët e botës në fuqi, Francën.

Bota

Itali/ Pamje të frikshme, dherat marrin para banesa e makina. Dhjetëra të zhdukur



Bëhu pjesë e Grupit Zyrtar të Opinion.al
>> KËTU <<
               Publikuar në : 14:26 - 26/11/22 |
Opi Nion

Moti i keq dhe reshjet e dendura të shiut kanë shkaktuar rrëshqitje dheu këtë mëngjes rreth orës 5 në ishullin Ischia, në brigjet e Napolit në Itali.

Dymbëdhjetë persona rezultojnë të zhdukur për momentin, sipas prefektit të Napolit, Claudio Palomba, ndërsa dëmet janë shumë të konsiderueshme. Ministri i Brendshëm Matteo Piantedosi tha se nuk është arritur të konfirmohet nëse ka pasur viktima.

Sipas agjencisë së lajmeve Ansa, rrëshqitja e dheut zbriti nga mali prapa fshatit të ishullit, siç ndodhi në nëntor 2009, dhe tërhoqi zvarrë gurë dhe mbeturina që shkaktuan shembjen e të paktën 10 ndërtesave.

Janë rreth 30 familje të ngujuara me gjithsej 100 persona që janë pa ujë dhe energji elektrike. Rruga që të çon në banesat e tyre aktualisht është e pakalueshme për shkak të baltës.

Kushtet e pafavorshme të motit po i bëjnë edhe më komplekse operacionet e shpëtimit. Motobarkat dhe helikopterët që janë angazhuar në përpjekjet e shpëtimit kanë “luftuar” shumë për të hyrë në ishull për shkak të motit të keq, tha brigada e zjarrfikësve.

Kryeministrja Giorgia Meloni, Ministri i Mbrojtjes Civile Nello Musumeci dhe kreu i Departamentit të Mbrojtjes Civile Fabrizio Curcio janë në kontakt të vazhdueshëm për të ndjekur evoluimin e situatës.

Autoritetet e ishullit iu kanë bërë thirrje qytetarëve që të mos lëvizin dhe të qëndrojnë në shtëpitë e tyre.

Aktualitet

E përfituar nga falsifikimi i dokumenteve, sekuestrohet pasuri me vlerë 200 mijë €



Bëhu pjesë e Grupit Zyrtar të Opinion.al
>> KËTU <<
               Publikuar në : 14:03 - 26/11/22 |
Opi Nion

Policia e Pogradecit ka sekuestruar pasuri me vlerë rreth 200 000 euro, që dyshohet se rrjedh nga veprimtaria kriminale e falsifikimit të dokumenteve, e kryer nga 2 persona.

Në një njoftim për mediat bëhet me dije se si rezultat i punës gjurmuese-hetimore të kryer për evidentimin dhe sekuestrimin e pasurive të përfituara në mënyrë të paligjshme, policia e Pogradecit ka ekzekutuar  vendimin e Gjykatës së Shkallës së Parë Pogradec, e cila ka vendosur sekuestro preventive ndaj një pasurie në pronësi të shtetasve A. L., 47 vjeç dhe B. A., 46 vjeç, të dy banues në Pogradec.

Këta 2 persona janë në hetim, për veprat penale “Falsifikimi i dokumenteve” dhe “Pastrimi i produkteve të veprës penale ose veprimtarisë kriminale”, kryer në bashkëpunim, pasi dyshohet se nëpërmjet një kontrate të falsifikuar, kanë përfituar banesën e një shtetasi tjetër, në lagjen nr. 3, Pogradec, banesë me sipërfaqe rreth 300 m² dhe me vlerë rreth 200 000 euro.

Ndërkohë policia bën me dije se vijon puna për gjurmimin, konstatimin dhe sekuestrimin e aseteve të tjera që mund të jenë përfituar në mënyrë të kundërligjshme, nga shtetasit A. L. dhe B. A.

Aktualitet

Porti i Durrësit/Berisha: Veprimet që do ndërmarrim. Mosbindje civile në të gjitha format



Bëhu pjesë e Grupit Zyrtar të Opinion.al
>> KËTU <<
               Publikuar në : 13:14 - 26/11/22 |
Opi Nion

Kreu i PD-së, Sali Berisha, ka folur këtë të shtunë për veprimet që opozita do të ndërmarrë për të penguar realizimin e projektit të Portit të Durrësit.

Në një bashkëbisedim me qytetarët në rrjetet sociale, Berisha tha se do të krijojnë një Komision Hetimor për këtë çështje, do dërgojnë në Gjykatën Kushtetuese marrëveshjen për projektin si dhe do ta kundërshtojnë me mosbindje civile në të gjitha format.

Ndër të tjera, kryedemokrati iu bëri thirrje thirrje qytetarëve dhe kompanive që të qëndrojnë larg kësaj mega-afere dhe të mos joshen për të investuar.

“Problemi me Portin e Durrësit, për të cilin u votua që të vidhet mesnatën e të enjtes që kaloi, është një problem madhor. Së pari, ne kemi dërguar në Kushtetuese marrëveshjen, së dyti do krijojmë një Komision Hetimor, së treti do qëndrojmë me mosbindje civile dhe të gjitha format. Së fundmi, u bëj thirrje qytetarëve dhe kompanive që të qëndrojnë larg kësaj mega-afere. Asgjë nuk dihet t’i joshë ata për të investuar, për t’u mashtruar nga ndërtimet në këtë shesh”- theksoi Berisha.

Aktualitet

Berisha flet për ligj për votim me detyrim: Minimizon blerjen e votës



Bëhu pjesë e Grupit Zyrtar të Opinion.al
>> KËTU <<
               Publikuar në : 13:06 - 26/11/22 |
Opi Nion

Kreu i PD, Sali Berisha, ka folur në një bashkëbisedim me qytetarët në rrjetet sociale për një ligj që detyron qytetarët që të votojnë.

Kryedemokrati thekson se vende që kanë pasur problem me shit-blerjen e votës e kanë vendosur këtë ligj dhe sipas Berishës ky ligj ka pasur sukses në minimizimn e këtij fenomeni.

“Unë mendoj se ajo është një gjë jashtëzakonisht e rëndësishme e ne do bëjmë gjithçka për votimin e emigracionit dhe diasporës.

Sikundër do bëjmë gjthçka për votimin e detyrueshëm të qytetarëve shqiptarë.

Detyrimi për të marrë pjesë në votim është detyrim pozitiv për të ushtruar një të drejtë themelore qytetarët.

Vende që kanë pasur problem me blerjen e shitjen e votës e kanë vendosur këtë ligj e ky ligj ka pasur sukses në minimizimin e këtij fenomeni.

Ne do bëjmë çmos që qytetarët shqitparë për shkak të blerjes masive me narko euro të votës të mund të votojnë detyrimisht”-tha Berisha.

Aktualitet

Berisha: PD në qeveri do heqë traun në Rrugën e Kombit, Rama përgjegjës për tradhti



Bëhu pjesë e Grupit Zyrtar të Opinion.al
>> KËTU <<
               Publikuar në : 12:53 - 26/11/22 |
Opi Nion

Kreu i Partisë Demokratike, Sali Berisha ka deklaruar se kur PD të vijë në pushtet,  në mbledhjen e parë të qeverisë do të miratohet vendimi për të hequr traun në rrugën e Kombit.

Ndër të tjera, teksa iu referuar kryeministrit Rama, kryedemokrati tha se ai që e miratoi këtë vendim do të mbahet përgjegjës për tradhëti.

“Ne mbledhjen e parë të qeverise do hiqet trau për Rrugën e Kombit, ai qe e vendosi traun do behet përgjegjës për tradhti. Rruga e Kombit nuk duhet të kishte kurrë asnjë pengesë.”, tha Berisha.

Sa i takon legalizimeve, Berisha tha se me PD në qeveri do përfundojnë në kohë rekord, me 1 euro banesa.

Aktualitet

Pse nuk e përjashtoni Alibeajn nga PD? Si përgjigjet Berisha



Bëhu pjesë e Grupit Zyrtar të Opinion.al
>> KËTU <<
               Publikuar në : 12:43 - 26/11/22 |
Opi Nion

Kreu i PD, Sali Berisha, është pyetur nga qytetarët në një bashkëbisedim në rrjetet sociale, se pse nuk e përjashton nga partia Enkelejd Alibeajn.

Berisha tha se Enkelejd Alibeaj nuk përjashtohet nga partia pasi në statut është hequr neni i përjashtimeve.

Kryedemokrati nuk la pa përmendur ish kreun e PD Lulzim Basha të cilin e akuzon si të përfshirë në projektin e ndërtimit të Portit të Durrësit.

Pyetje: Pse nuk e përjashtoni Enkelejd Alibeajn?

Sali Berisha: Pyetja është normale, por ne hoqëm nga statuti nenin e përjashtimit me besimin më të madh se procesi në të cilin po kalonte PD ose në këtë proces duhet të dominonin përpjekjet për ribashkimin e të gjithë kontributorëve, investitorëve, aksionerëve politikë të kësaj partie.

Jo vetëm nuk kemi nen përjashtimi, por kemi një nen që autorizon cilindo që nuk bie dakord me kryetarin të krijojë fraksion brenda kësaj partie.

Ne i ndjekim, mirëkuptojmë. I dashur demokrat, ju i shikoni vetë zhvillimet se çfarë dalin njëra pas tjetrës, super skandalet e atij që besimin tonë për 8 vite e kishte varur në gozhdën e Edi Ramës.

Dhe kishte vendosur njëlloj si ai të pasurohej në mënyrën më të paligjshme në një seri aferash si është ajo e Durrësit.

Ajo që mund të themi se opozita e vërteta e pamohueshme pësoi një infeksion të rëndë dhe akti absolutisht më makabër, armiqësor, makbethian i Ramës pas grabitjes së votës, është grabitja e kreut të opozitës shqiptare në mënyrën më mafioze, më të rëndë, papranueshme.

Ndaj ta marrim si një proces këtë, të tregojmë durim janë qyetarët që e shihin për kë punon secili kush mbron interesat e kush është i emëruar.

Në fund të këtij procesi ne do kemi fitoren që meritojmë kurse të tjerët do marrin atë vend që u rezervon historia bukëshkalësve, pengjeve etj.

Aktualitet

Ndalimi i protestës, Berisha: Refuzimi është nul, do vërshojnë rrugët e Tiranës



Bëhu pjesë e Grupit Zyrtar të Opinion.al
>> KËTU <<
               Publikuar në : 12:24 - 26/11/22 |
Opi Nion

Kreu i PD, Sali Berisha në një bashkëbisedim me qytetarët në rrjetet sociale ka folur për herë të parë për vendimin e Policisë për ndalimin e protestës para kryeministrisë.

Berisha tha se policia nuk njeh Kushtetutën dhe ligjet e vendit me këtë vendim ndërsa shtoi se Kushtetuta nuk njeh kufizime për protesta.

Sipas Berishës, refuzimi i policisë është nul i paqenë dhe tregon fytyrën e vërtetë të qeverisë, që sipas kryedemokratit është e tmerruar nga populli opozitar.

“I kujtoj këtyre vasalëve të Ramës se Kushtetuta nuk njeh kufizime për protestat e liritë e qytetarëve.

Policia e Shtetit, është Edi Rama, po e trajton samitin e liderëve të BE sikur këtu të mblidheshin gjithë diktatort e botës në një kohë kur ata që cijnë në Tiranë janë burera e gra shtetarët ë zgjehdur me votën e lirë të qytetarëve të tyre.

KE për të qartësuar pozicionin europian në raport me të dretjën e qytetarëve për protesta kërkoi publikisht që e drejta e qytetarëve shqiprarë për protestë të respektohet.

Ai refuzim është nul i paqenë tregon fytyrën e vërtetë të këtij regjimi që është i tmerruar nga populli opozitar që në datën 6 ora 12 do mbushë bulevardin e Tiranës si kurrë në historinë e tij.

Në këtë protestë do vërshojë të gjithë ata të cilën ëndrrën evropiane e kanë ëndrrën më kryesore, më të çmuar për të ardhmen.

Në datën 6 do vërshojnë në rrugët e Tiranës të gjithë ata të cilët shohin vlerat evropiane si vlerat më të cmuara për ata, për kombin. Do jetë një protestë që nuk është parë ndonjëherë.

Një protestë në të cilën do bucasë në 4 anët thirrja “e duam Shqipërinë Si Evropa”, thirrja “Rama e narkoshteti nuk përfaqësojnë Shqipërinë”. “Rama kryehajduti i Evropës dhe botës”, “Rama dhunues kryesor i votës së lirë pas Lukashenkos e Putinit”. “Rama tradhtar i kombit, vasal i Vucic”, “avokat mjeran i Serbisë së vogël e interesave të Putinit me ato që bën”.

Kemi kaq motive për të qenë më daën 6 në sheshet dhe rrugët e Tiranës, duke garantuar sigurinë e plotë të miqve tanë që i përshëndesim, por asesi për Ramën që nuk përfaqëson shqiptarët, vullnetin e tyre të lirë. Përfaqëson aferat e tmerrshme korruptive mbi të cilat është zhytur, vjedhjet e mëdha. Ne duhet të jemi aty të gjithë bashkë dhe do jemi”-tha Berisha.

Aktualitet

Tërmeti i 26 nëntorit/Berisha:Me fondet qeveria bleu vota, shpërndau 160 mln € në fushatë



Bëhu pjesë e Grupit Zyrtar të Opinion.al
>> KËTU <<
               Publikuar në : 12:16 - 26/11/22 |
Opi Nion

Në një bashkëbisedim me qytetarët në “Facebook”, këtë të shtunë, kreu i PD, Sali Berisha është ndalur te tërmeti i 26 nëntorit 2019.

Berisha akuzoi qeverinë se çdo ndërtim i bërë me fondet e taksapaguesve shqiptarë ka kushtuar 5 herë më shtrenjtë se sa një ndërtim i bërë nga turqit apo donatorë të tjerë. Sipas tij qeveria i përdori fondet për ndërtimet për të blerë vota ndërsa shtoi se gjatë muajve të fushatës të zgjedhjeve të 25 prillit 2021 iu shpërndau militantëve 160 mln euro.

“Problemi i tërmetit është shndërruar një nga megafaerat e korrupsionit. Në Laç është ndërtuar falë qeverisë turke, dhe për këtë jam mirënjohës. Është e vërtetë që donatorë kanë dhënë, por çdo ndërtim i bërë me fondet e taksapaguesve shqiptarë ka kushtuar 5 herë më shtrenjtë se sa një ndërtim i bërë nga turqit apo donatorë të tjerë. I përdori fondet në mënyrë kriminale për të vjedhur vota, në muajin prill të vitit 2021 shpërndau 91 mln euro, kurse në 3 muajt e fushatës shpërndau 160 mln euro tërësisht”- theksoi Berisha.”, tha Berisha.

Kronikë

“Aktori qëlloi gruan me çekiç”, policia e New York për vdekjen e çiftit shqiptar në SHBA



Bëhu pjesë e Grupit Zyrtar të Opinion.al
>> KËTU <<
               Publikuar në : 12:02 - 26/11/22 |
Opi Nion

Mediat amerikane shkruajnë se Policia në New York ka zbuluar detaje të reja në lidhje me vdekjen e çiftit shqiptar, Florind Belliu dhe bashkëshortes së tij Ornela Shehi, në gusht të këtij viti.

Autoritetet kanë dalë në konkluzionin se ngjarja ishte vrasje dhe vetëvrasje.

Kjo pasi sipas policisë, 35-vjeçari Florind Belliu e dhunoi bashkëshorten e tij Ornela Shehi me çekiç përpara se ajo të binte nga kati i 6 i apartamentit ku jetonin, mëngjesin e 6 Gushtit.

Vetëm pak momente më pas është hedhur nga apartamenti edhe aktori Belliu, i cili gjeti vdekjen e menjëhershme.

Vetëm pak çaste para rënies, fqinjët thanë se kishin dëgjuar të bërtitura. Në momentin e ngjarjes së rëndë në shtëpi ndodheshin edhe dy djemtë e vegjël të çiftit. Fqinjët treguan po ashtu se kishin dëgjuar njërin prej tyre të thërriste “Mami! Mami!”, në momentin që ata ranë nga kati i 6.

Zyra e Mjekësisë tha se plagët vdekjeprurëse të Shehit ndodhën para se të binte nga dritarja mëngjesin e 6 gushtit, ndërsa policia përmendi një sherr mes të dashuruarve para vdekjes.

Aktualitet

Laboratori i kokainës në Fier/ Porositësi i ngarkesës në seancë: Kam kërkuar vetëm pleh



Bëhu pjesë e Grupit Zyrtar të Opinion.al
>> KËTU <<
               Publikuar në : 11:56 - 26/11/22 |
Opi Nion

Gjykata e Posaçme ka rikonfirmuar masat e sigurisë “arrest në burg” për 10 personat e arrestuar për laboratorin e kokainës në Fier.

Bëhet fjalë për Viktor Çervanakun, Zenel Çervanakun, Denilson Çervanakun, Enxhi Ferhatin, Nikolin Gjolenën, Klajdi Vrionin (Kodra), Julian Malajn, Redion Meshin, Bledar Matoshin dhe Marildo Ronën.

Gjate seancës së sotme mësohet se personi që e ka porositur plehun organik nga Kolumbia, Zenel Çervenaku, ka pretenduar se nuk ka pasur asnjë dijeni për sasinë e lëndës narkotike nëpër thasë. Sipas tij, ai ka bërë porosinë vetëm për pleh organik. Edhe personat e tjerë kanë patur qëndrim mohues para gjykatës dhe kanë pretenduar se nuk kanë asnjë dijeni për aktivitet të paligjshëm.

Ndërkohë, në seancë avokatët mbrojtës kanë pretenduar se në banesën ku janë gjetur thasët e plehut, nuk kemi të bëjmë me laborator teksa kanë shtuar se nuk kanë akt-ekspertim që të vërtetojë se brenda plehut ka kokainë.

Operacioni antidrogë u zhvillua nga Policia e Shtetit, nën drejtimin e SPAK, dhe në bashkëpunim me Policinë malazeze dhe agjencitë e tjera ligjzbatuese.

Aktualitet

9 kallezime ndaj 2 efektivëve, del fotoja e policit të patrullës të akuzuar për grabitje



Bëhu pjesë e Grupit Zyrtar të Opinion.al
>> KËTU <<
               Publikuar në : 11:23 - 26/11/22 |
Opi Nion

Të tjera detaje kanë dalë lidhur me dy efektivët e policisë, një i Komisariatit nr.1 dhe një i Policisë Bashkiake në kryeqytet,  të cilët u arrestuar gjatë orëve të para të mëngjesit të sotëm.

Sipas informacioneve,  janë dokumentuar 3 raste grabitjeje që ata kanë kryer.

Dy efektivet, Sajmir Muzikani, 39 vjeç, me detyrë punonjës i Policisë Bashkiake dhe Serxhio Cani, 22 vjeç, me detyrë punonjës i Patrullës së Përgjithshme të Komisariatit të Policisë Nr. 1, pasi ndalonin të rinjtë, u kerkonin dhe u merrnin shuma parash prej 20, 30 dhe deri në 50 mije leke të reja. Gjithashtu mësohet se ka patur 9 kallezime ndaj tyre.

Ndërkohë Opinion.al ka siguruar edhe foton e Serxhio Canit, punonjës i Patrullës së Përgjithshme të Komisariatit Nr. 1 të Policisë.

 

Bota

Donald Trump zbulon programin për zgjedhjet presidenciale 2024



Bëhu pjesë e Grupit Zyrtar të Opinion.al
>> KËTU <<
               Publikuar në : 10:58 - 26/11/22 |
Opi Nion

Kur Donald Trump kandidoi për president herën e parë, biznesmeni dhe figura e njohur televizive u pa si përçarës. Ndërsa u përball me humbje në zgjedhjet e vitit 2020, ai vendosi të mos pranojë rezultatin e zgjedhjeve. Tani, teksa ka filluar fushatën për zgjedhjet presidenciale të vitit 2024, ai po reklamon ato që i quan arritje të tij nga mandati i parë, së bashku me planet e reja politike. Korrespondentja e Zërit të Amerikës, Anita Powell njofton nga Uashingtoni.

Donald Trumpi është pretendenti i parë zyrtar në garën presidenciale të 2024-ës në SHBA. Ai po e përdor fushatën për të shitur vizionin e tij për Amerikën.

Zoti Trump përdor shpesh nota superlative në fjalimet e tij. Ai e bëri këtë rreth politikës së tij të imigracionit:

“Ne do të rivendosim dhe sigurojmë kufijtë e Amerikës ashtu siç i kishim më parë, me sigurinë më të madhe ndonjëherë”, tha zoti Trump.

Ai foli edhe për planet ekonomike dhe shfaqi qëndrimet e tij për sundimin e ligjit.

“Ne do të ndërtojmë sërish ekonominë më të madhe ndonjëherë”.

“Unë kërkoj menjëherë dënimin me vdekje për trafikantët e drogës dhe të qenieve njerëzore”, tha ish presidenti.

Unë kam dëshmuar se jam një nga njerëzit më të ndershëm dhe më të pafajshëm në vendin tonë”

Ndërsa për veten tha: “…Unë kam dëshmuar se jam një nga njerëzit më të ndershëm dhe më të pafajshëm në vendin tonë”.

Presidenti Joe Biden tha se do të përdorë pushimet e festave të fundvitit për të diskutuar me familjen e tij nëse do të kandidojë përsëri.

Shtëpia e Bardhë thotë se republikanët janë më të interesuar për të fituar zgjedhjet sesa për të ndihmuar amerikanët.

“Partia Republikane nuk ka plan. Ata nuk bëjnë gjë tjetër veçse marifete politike”, tha zonja Jean-Pierre.

Historianët thonë se arritjet e ish-presidentit janë të pakta.

Arritjet e tij më të mëdha ishin emërimet që bëri dhe sulmet që iu bënte njerëzve”

“Ai ka arritur shumë pak sa i përket legjislacionit. Arritjet e tij më të mëdha ishin emërimet që bëri dhe sulmet që iu bënte njerëzve. Është e vështirë të besosh se ai do të ndryshojë politikën amerikane kur nuk e bëri këtë më parë”, thotë profesori i historisë tek Universiteti i Teksasit në Austin, Jeremi Suri.

Mbështetësit e zotit Trump nuk pajtohen.

“Ai ishte në gjendje të ndërtonte mbi 800 kilometra të murit në kufirin me Meksikën për të ndaluar emigrantët e paligjshëm. Ai uli taksat dhe lejoi shpimet për të siguruar karburant me çmim të përballueshëm”, tha Drejtori i Qendrës për Integritet Zgjedhor dhe udhëheqës i Institutit “America First”, Hogan Gidley.

Ai iu bëri të qartë të gjithëve se do të përballen me forcën e Amerikës nëse ngatërrohen me të apo me aleatët e saj në botë”

“Ai iu bëri të qartë të gjithëve se do të përballen me forcën e Amerikës nëse ngatërrohen me të apo me aleatët e saj në botë. Këto janë të gjitha arritje që i takojnë presidentit Trump”.

Zoti Hogan shtoi se partia republikane ka mësuar nga betejat legjislative të viteve kur zoti Trump ishte president.

“Kushdo nga e djathta që zgjidhet për të udhëhequr Shtëpinë e Bardhë, tani e tutje do të punojë me Kongresin si askush më parë, sepse ata thjesht do injorojnë mediat pasi shumica e Amerikës i injoron mediat”, tha zoti Gidley

Një gjë që të gjithë bien dakort: gati dy vjet para votimeve, fushata për zgjedhjen e presidentit të ardhshëm tani ka filluar./VOA

Aktualitet

Bashkia vishet me flamurin gjigand kuqezi, Veliaj:Gëzuar 110-vjetorin e Pavarësisë Tiranë



Bëhu pjesë e Grupit Zyrtar të Opinion.al
>> KËTU <<
               Publikuar në : 10:36 - 26/11/22 |
Opi Nion

Kryetari i Bashkisë së Tiranës Erion Veliaj ka uruar qytetarët për 110-vjetorin e ngritjes së flamurit në Tiranë.

Përmes një postimi në rrjete sociale, Veliaj shpreh bindjen se ditët më të mira janë përpara.

“Gëzuar 110-vjetorin e Pavarësisë Tiranë! Ditët më të mira i kemi përpara”, deklaron Veliaj.

Ndërkaq, Bashkia e Tiranës është veshur me një flamur gjigand. Gjithashtu, në shumë shtëpi shqiptarët kanë menduar të nxjerrin një flamur Kuq e Zi që valëvitet në dritaret e tyre.

 

View this post on Instagram

 

A post shared by Erion Veliaj (@erionveliaj)

Aktualitet

Arrestimi i dy efektivëve në Tiranë, policia jep detaje



Bëhu pjesë e Grupit Zyrtar të Opinion.al
>> KËTU <<
               Publikuar në : 10:30 - 26/11/22 |
Opi Nion

Policia ka dhënë detaje për arrestimin e dy efektivëve,  një i Komisariatit nr.1 dhe një i Policisë Bashkiake në kryeqytet.

Në një njoftim për mediat bëhet me dije se Sajmir Muzikani, 39 vjeç, me detyrë punonjës i Policisë Bashkiake dhe Serxhio Cani, 22 vjeç, me detyrë punonjës i Patrullës së Përgjithshme të Komisariatit të Policisë Nr. 1,  dyshohen se duke shpërdoruar detyrën, i kanë marrë me forcë, një shumë parash, shtetasve F. V., dhe F. D., në zonën e liqenit artificial.

Këta të fundit kanë ngritur një kallëzim penal ndaj dy policëve, të cilët si rrjedhojë u arrestuan mëngjesin e sotëm nga policia.

“Specialistët për Hetimin e Krimeve të Komisariatit të Policisë Nr. 1, në bashkëpunim me specialistët e Drejtorisë Rajonale të AMP-së, ndaluan shtetasit:

– Sajmir Muzikani, 39 vjeç, me detyrë punonjës i Policisë Bashkiake dhe Serxhio Cani, 22 vjeç, me detyrë punonjës i Patrullës së Përgjithshme të Komisariatit të Policisë Nr. 1, të dy shtetasit banues në Tiranë.

Këta shtetas dyshohet se duke shpërdoruar detyrën, i kanë marrë me forcë, një shumë parash, shtetasve F. V., dhe F. D., në zonën e liqenit artificial, të cilët kanë depozituar kallëzim në Komisariat.

Pas punës hetimore të kryer është bërë e mundur dhe zbardhja e ngjarjes dhe vënia në pranga e 2 shtetasve të mësipërm”-njofton policia.

 

Aktualitet

3 vite nga tërmeti, ambasadorja Hohmann: BE do të vazhdojë të mbështesë Shqipërinë



Bëhu pjesë e Grupit Zyrtar të Opinion.al
>> KËTU <<
               Publikuar në : 10:12 - 26/11/22 |
Opi Nion

Teksa sot shënohen tre vite nga tërmeti i 26 nëntorit, ku humbën jetën 51 persona dhe u plagosën shumë të tjerë, Ambasadorja e BE në vendin tonë Christiane Hohmann përmes një video-mesazhi thotë se shumë shkolla, kopshte dhe vende historike janë rindërtuar falë mbështetjes së BE-së.

Ambasadorja thekson se do të vazhdojnë me dy programet ‘BE për kulturën’ dhe ‘BE për shkollat’ për të përfunduar rindërtimin e tyre.

Më tej ajo ka bërë edhe një premtim për popullin shqiptar duke thënë se BE do vazhdojë ta mbështesë vendin tonë.

“Sot tre vjet më vonë shohim një numër shkollash dhe kopshtesh që janë rindërtuar. Shohim vende historike që janë restauruar dhe po restaurohen tani. Me moton tonë ‘Të rindërtojmë më mirë’, tani kemi shkolla që përmbushin standardet europiane dhe vende historike që janë rindërtuar me gjithë shkëlqimin e tyre për t’u gëzuar nga brezat e ardhshëm. Në do të vazhdojmë me programet tona kryesore ‘BE për kulturën’ dhe ‘BE për shkollat’ që të vazhdojmë rindërtimin. Tani dua të falënderoj popullin shqiptar për rezistencën dhe forcën për ndërtimin e Shqipërisë pas tërmetit shkatërrues. Jam këtu për t’iu bërë edhe një premtim: BE është këtu që të vazhdojë t’iu mbështesë, por edhe për t’iu ndihmuar të ndërtoni të ardhmen tuaj në BE”, thotë ambasadorja. 

Bota

Gjermani: Gjykata Kushtetuese forcon të drejtat e azilkërkusve



Bëhu pjesë e Grupit Zyrtar të Opinion.al
>> KËTU <<
               Publikuar në : 09:55 - 26/11/22 |
Opi Nion

Azilkërkuesit që jetojnë vetëm në strehim kolektiv aktualisht marrin 330 euro në muaj – dhjetë për qind më pak se të tjerët. Gjykata Kushtetuese e Gjermanisë thotë se ky shkurtim është i paligjshëm.

Azilkërkuesve pa familje nuk mund t’u shkurtohet asistenca sociale me një normë fikse prej dhjetë për qind, vetëm sepse ata jetojnë në strehimore kolektive. Këtë vendim e mori të enjten, 24.11.2022, Gjykata Kushtetuese e Gjermanisë. Gjykatësit thanë se ndarja e dhomës me azilkërkues të tjerë, nuk çon domosdoshmërisht në kursimin e shpenzimeve. “Niveli i nevojave të veçanta” i prezantuar në 2019 është i papajtueshëm me “të drejtën themelore për të garantuar jetese dinjitoze”.

Të prekur nga ky vendim i gjykatës janë të gjithë azilkërkuesit që jetojnë vetëm, pra, pa familje, nëpër strehimore refugjatësh, dhe që jetojnë në Gjermani prej së paku 18 muajsh. Këtej e tutje atyre do t’u rritet asistenca sociale me 10 për qind. Nëse më parë ata kanë bërë ankesë me shkrim, atëherë mund të llogarisin edhe me një rritje të asistencës sociale për muajt e mëparshëm, duke filluar nga shtatori i vitit 2019.

Çështjen e çoi në Gjykatën Kushtetuese Shoqata për të Drejtat e Lirisë (GFF). Për të kontrolluar rregulloren në Karlsruhe, ajo kishte hartuar një model që e përdori një gjyqtar në Gjykatën Sociale të Dyseldorfit. Atje, një burrë nga Sri Lanka kishte bërë kërkesë për rritje të asistencës sociale për disa muaj në vitet  2019 dhe 2020. Paditësi argumentoi se ai nuk kishte raport miqësor me azilkërkuesit e tjerë të dhomës dhe as nuk gatuante e as nuk kishte ekonomi të përbashkët me ta. Si rrjedhojë, bashkëbanimi nuk kishte asnjë efekt kursimi, thuhet në deklaratë e Gjykatës.

Pritet rritje e asistencës

Në vitin 2019, qeveria federale e përbërë nga CDU/CSU dhe SPD ishte e mendimit se azilkërkuesit që i ndajnë dhomat me të tjerët, mund të kursejnë, duke gatuar së bashku për shembull, ose duke përdorur së bashku kuzhinat e përbashkëta. Prandaj edhe qeveria vendosi t’ua shkurtonte atyre asistencën sociale me dhjetë përqind pro person, duke u dhënë atyre po aq ndihmë sociale, sa ç’u jepte personave që jetojnë në çift. Tani qeveria gjermane duhet të reagojë ndaj vendimit të Gjykatës dhe ta përshtasë asistencën sociale për këta persona, nga 330 euro në muaj, në 367 në muaj

Shoqata gjermane që angazhohet për të drejtat e refugjatëve e përshëndeti vendimin e Gjykatës kushtetuese:

“Ky rregull i Ligjit të Asistencës Sociale për Azilkërkuesit që u rrëzua sot  nuk është i vetmi rregull në kundërvajtje me Kushtetutën. Ne jemi të mendimit se e gjithë kjo rregullore e posaçme diskriminuese duhet të rrëzohet!”, deklaroi organizata në një mesazh në Twitter./DW

 

Aktualitet

Ndalonin të rinjtë me hashash dhe u vidhnin paratë, arrestohen dy policët



Bëhu pjesë e Grupit Zyrtar të Opinion.al
>> KËTU <<
               Publikuar në : 09:52 - 26/11/22 |
Opi Nion

Dy efektivë policie, një i Komisariatit nr.1 dhe një i Policisë Bashkiake në kryeqytet, janë arrestuar gjatë orëve të para të mëngjesit.

Sipas Klan News, dy policët akuzohen për grabitje me dhunë tek liqeni.

Mësohet se ata ndalonin të rinj me cigare hashashi. Dy policët u vendosnin të rinjve prangat që të dukej zyrtare dhe më pas u merrnin paratë.

Ndërkohë Klan News ka mësuar dhe identitetet e tyre. Bëhet fjalë për policin e patrullës së komisaritatit nr. 1, Serxhio Cani, 23 vjeç dhe policin bashkiak, Sajmir Muzikani, 39 vjeç.  Për rastin është njoftuar edhe Agjencia e Mbikëqyrjes Policore.

Dyshohet se dy autorët vidhnin sende me vlerë e celularë edhe qytetarëve që dilnin për shëtitje tek liqeni./Opinion.al

Aktualitet

3 vite nga tërmeti tragjik i 26 Nëntorit



Bëhu pjesë e Grupit Zyrtar të Opinion.al
>> KËTU <<
               Publikuar në : 09:43 - 26/11/22 |
Opi Nion

Kjo e shtunë shënon tre vite nga tërmeti i 26 Nëntorit 2019, ku humbën jetën 51 persona, u plagosën qindra të tjerë dhe u shënuan dëme të mëdha materiale, kryesisht në Durrës dhe në Tiranë.

Për shumë familje 26 nëntori la pas edhe një dramë të madhe, pasi humbën të afërmit e tyre, nën rrënojat e banesave dhe pallateve.

Përveç Tiranës dhe Durrësit pasojat e tërmetit  u ndjenë edhe  në shumë bashki të tjera si në; Shijak, Krujë, Kamëz, Kavajë, Kurbin, Lezhë, Rrogozhinë dhe Mirditë. Dëmet më të mëdha u regjistruan në Kodër-Thumanë, ku u shemb një pallat 5 katësh, ndërsa gjithashtu dëme të mëdha u regjistruan edhe në Laç.

Ndërkohë ende sot banorët e prekur nuk janë sistemuar nëpër banesa./Opinion.al

 

Pas