Grupimi i Alibeajt dhe grupimi i ish-kryeministrit, Sali Berisha ankimuan në Komisionin e Ankimimit dhe të Sanksioneve vendimin e KQZ për mosregjistrim në zgjedhjet vendore të 14 Majit.
Partia Demokratike e drejtuar nga Sali Berisha ankimoi vendimin e KQZ-së për mos regjistrimin në zgjedhjet e 14 majit. KQZ, sipas dokumentit të gjykatës njohu Lulzim Bashën si kryetar të PD.
Ndërsa, grupimi i Alibeajt ka ankimuar në Komisionin e Ankimimit dhe të Sanksioneve vendimin e KQZ për plotësimin e dokumentacionit, ku Lulzim Basha autorizonte Enkelejd Alibeajn për zgjedhjet lokale të 2023-it.
Ditën e sotme është hedhur shorti për relatorët që do të shqyrtojnë ankimimet e paraqitura në KAS nga dy grupimet brenda PD.
Kështu për ankimimin e bërë nga PD e Berishës është caktuar Ilirjan Rusmali. Ndërsa për ankimimin e PD-së së Alibeajt, u caktua, Koli Bele.
Elvis Çefa u caktua për shqyrtimin e ankimimit të bërë nga “Lëvizja Bashkë” e cila ankimoi gjithashtu vendimin e KQZ-së për mos u regjistruar në zgjedhje.
