Kanë dalë emrat e viktimave të aksidentit të djeshëm në Tiranë, ku humbën jetën tre persona, shoferi i automjetit tip “Audi” , 20-vjeçari Klevis Rucaj dhe dy vajza.
Mësohet se kanë ndërruar jetë:
Klevis Rucaj, 20 vjeç, banues në Fier.
Erisilda Abedini, 22 vjeçe, banuese ne Tirane.
Sikela Përroj, 23 vjeçe, banuese në Tiranë.
Policia bëri me dije se automjeti tip “Audi” me drejtues 20-vjeçarin, ka qenë duke udhëtuar në unazën lindore me drejtim lëvizje nga Farka për tek rrethrrotullimi pranë TEG, dhe pasi ka humbur kontrollin, ka thyer barrierat rrethuese te mbikalimi dhe ka përfunduar në autostradën Tiranë-Elbasan, duke aksidentuar automjetin tjetër tip “Honda”, me drejtues shtetasin me iniciale Q. K., rreth 60 vjeç.
Si pasojë e aksidentit rrugor humbën jetën të tre personat që udhëtonin në automjetin “Audi”, ndërsa mbetën të plagosur shtetasit A. K., 51 vjeç, O. K, 24 dhe Q. K, rreth 60 vjeç, që udhetonin me automjetin tjetër./Opinion.al
