Emigrantët të cilët kalojnë nëpërmjet Kanalit Anglez do të dëbohen nga Mbretëria e Bashkuar, ë të rikthehen në këtë shtet dhe nuk do të mund të aplikojnë për nënshtetësi britanike, sipas legjislacionit të ri.
Masat e propozuara do të zbatohen për këdo që mbërrin në brigjet e Mbretërisë së Bashkuar me varka apo gomone.
Detaje të mëtejshme pritet të shpallen nga qeveria të martën.
Këshilli i Refugjatëve ka kritikuar planet dhe thotë se mijëra njerëz do të lihen “përgjithmonë në harresë”.
Kryeministri Rishi Sunak, i cili është zotuar të “ndalojë varkat” është shprehur: “Mos bëni gabim, nëse vini këtu në mënyrë të paligjshme, nuk do të keni mundësi të qëndroni”.
Legjislacioni i ri do t’i vendoste një detyrë Zyrës për Punët e Brendshme që të largojë këdo që mbërrin në një varkë të vogël në Ruanda ose një “vend të tretë” “të sigurt” sa më shpejt, “dhe t’i ndalojë ata të kthehen përgjithmonë”.
Aktualisht, azilkërkuesit që vijnë në Mbretërinë e Bashkuar kanë të drejtë të kërkojnë mbrojtje sipas Konventës së Refugjatëve të OKB dhe Konventës Evropiane për të Drejtat e Njeriut./Opinion.al
