Franca po shqyrton ndërtimin e më shumë termocentraleve bërthamore sesa ka paralajmëruar në zgjerimin e saj të planifikuar në këtë fushë.
“Fillimisht po flasim për gjashtë reaktorë dhe tetë të tjerë janë duke u studiuar. Por e pyeta qartë industrinë, a mund të ndërtoni më shumë se 14 reaktorë deri në vitin 2050?”, tha ministrja franceze e Energjisë, Agnès Pannier-Ronache, në një intervistë për gazetën ekonomike “Les Echos”.
Ajo shpjegoi se përgjegjësit e kësaj industrie duhet së pari t’i përgjigjen kësaj pyetjeje dhe “përzierja e energjisë që ne përdorim duhet të marrë parasysh realitetin, shkencën dhe faktet industriale dhe nuk duhet të bazohet në ideologji të thjeshta”.
“Arritja e neutralitetit të karbonit deri në vitin 2050 kërkon që ne të prodhojmë masivisht më shumë energji elektrike. Më duhet t’i paraqes Parlamentit kufizimet konkrete që lidhen me këtë kapacitet të madh prodhimi për të treguar se sa larg mund të shkojmë teknikisht deri në vitin 2050 për sa i përket energjisë diellore, erës në det të hapur dhe energjisë bërthamore, “-tha Panier-Ronache. për të zgjedhur opsionet më të mira për përzierjen e energjisë.
Ministri tha se kompania franceze e energjisë “EDF” e cila po përballet me një rinacionalizim gjithëpërfshirës duhet të prodhojë më shumë energji bërthamore. Presidenti Emmanuel Macron njoftoi një “rilindje të energjisë bërthamore franceze” një vit më parë./Opinion.al
