Dan Hutra, personi që qëlloi sot me breshëri plumbash në familjen e ish-bashkëjetueses dhe vrau motrën dhe kunatën e saj, ndërsa plagosi ish-bashkëjetuesen dhe ish-vjehrrën rezulton të jetë me precedentë të theksuar kriminalë.
Mësohet se ai është autor i një tjetër vrasjeje. Në vitin 2007 ka ekzekutuar me thikë gruan e tij, Dafina Havalja, 22 vjeçe, nga Klosi. Ndërsa në vitin 2003 ka qenë i dënuar për heqje të lirisë të nënës dhe kunatës së tij, si dhe për përdhunimin e kunatës tjetër.
Ndërkohë së fundmi ka qenë i dënuar për dhunë në familje, dhe është lënë i lirë në 16 shkurt të këtij viti.
