I pyetur për deklaratat e ish-zv/kryeministrit Arben Ahmetaj të Enjten e shkuar në “Opinion”, kreu i grupit parlamentar të PS-së Taulant Balla refuzoi të komentojë.
Balla tha për “Milori Live” në Klan News se çështja e Inceneratorëve po hetohet dhe fjala i takon vetëm Gjykatës.
“Unë nuk kam komente mbi copëza bisedash apo komunikimesh dhe nuk e bëj këtë për asnjë koleg tonin, sepse në fund të fundit jam kryetar i grupit parlamentar të Partisë Socialiste, duhet të kuptoni gjithmonë sepse e dëgjoj shpesh këtë historinë jo Inceneratorët…Opinioni ynë është shprehur dhe votuar në Kuvend, unë mendoj se sa kohë secili prej nesh e ka votuar me kartonin jeshil raportit e komisionit hetimor për hetimin e çështjes, unë mendoj se e ka aty. Qoftë impianti në Fier, qoftë ai në Elbasan janë dy vepra të domosdoshme për të dyja rajonet për trajtimin e mbetjeve.
Sali Berisha duhet të jetë i fundit që të japë mend për drejtësinë në këtë vend dhe nuk kam asnjë koment për djallin që flet për Biblën.Unë nuk merrem me thashetheme, kjo është një çështje që prokuroria ka hetuar dhe për të dyja rastet që përmenda, që janë vepra shumë të mira pavarësisht se kush ka ngjyer turinjtë apo gishtat në të do të marrë përgjegjësi para ligjit”, u shpreh Balla.
