Një 31-vjeçar shqiptar nga Kosova është vrarë në perëndim të Freiburgut në Gjermani.
Sipas mediave gjermane i dyshuar për ngjarjen dyshohet se është një 29-vjeçar, ish-i dashuri i partneres të shqiptarit nga Kosova.
29-vjeçari, i shoqëruar nga një familjar, ditën kur ndodhi ngjarja ka shkuar në banesën e ish-partneres së tij. Para banesës një mosmarrëveshje ka patur mes tyre, gjatë së cilës i dyshuari ka nxjerrë papritur armën, ka qëlluar në drejtim të ish-partneres së tij, por plumbat kanë kapur 31-vjeçarin shqiptar.
31-vjeçari me kombësi kosovare u dërgua në spital, por nuk arriti t’iu mbijetojë plagëve të marra.
Autori i dyshuar, një 29-vjeçar me kombësi gjermane, fillimisht është arratisur, por është arrestuar rreth orës 15:00. në zonën Auggener Weg pa bërë rezistencë ndaj policisë.
Ndërkaq, arma e zjarrit me të cilën u qëllua i riu shqiptar u gjet në një shkurre pranë vendit të krimit.
Policia kriminale ka nisur hetimet për zbardhjen e rrethanave të ngjarjes.
