Portugalia ka gjetur trajnerin e saj të ri për kombëtaren. Ish-trajneri i Belgjikës, Roberto Martinez është trajneri i cili do të marrë drejtimin e portugezëve, pas rezultatit jo të mirë që kjo skuadër pati në botëror.
“E vlerësoj entuziazmin dhe ambicien me të cilën Martinez e ka pranuar festën tonë. Ky është një moment i rëndësishëm për skuadrën kombëtare”,- tha Presidenti i Federatës, Fernando Gomes, në një konferencë për mediat.
Martinez vjen te Portugalia pas dështimit me Belgjikën në Botërorin e fundit, ku skuadra e tij, edhe pse pretendente, nuk arriti të dalë nga grupi. Ndërsa nën drejtimin e Fernando Santos, Portugalia u eliminua në çerekfinale kundër Marokut, mes shumë polemikave për lënien në stol të Cristiano Ronaldos.
