Kryeministri Edi Rama ka deklaruar se qeveria do të japë një bonus prej 20 000 Lekësh të reja nga ajo që ai e cilëson “Pakoja e Madhe” për zjarrëfikësit për të lehtësuar impaktin e inflacionit të luftës ndërsa shton se paga për zjarrfikësit do të vijojë të rritet më te.
“Rritja e pagave me 15% këtë vit për zjarrfikësit, bashkë me 20 000Lekët (e reja) nga Pakoja e Madhe e këtij dimri të vështirë për mbarë Europën, do ta bëjnë praktikisht zero impaktin e inflacionit të luftës mbi konsumin e familjeve të tyre, ndërkohë që paga për zjarrfikësit do të vijojë të rritet më tej, si mbështetje e domosdoshme për një shërbim gjithnjë e më të kërkuar në kushtet kur zjarret po bëhen një problem i madh për gjithë botën”, shkruan Rama.
Po ashtu më herët Rama bëri me dije se qeveria do të mbështesë me 10000 Lekë të reja, punonjësit e Policisë së Shtetit.
“10000Lekë (të reja) nga Pakoja e Madhe, pas rritjes së pagave para disa muajsh me 15% për inspektorët e nënkomisarët dhe 7% për komisarët e Policisë së Shtetit, do ta zerojnë impaktin e inflacionit të luftës mbi konsumin familjar të punonjësve të policisë në këtë dimër të vështirë për të gjithë, duke dëshmuar po ashtu vëmendjen e pandarë të qeverisë jo vetëm ndaj shtresave më në nevojë, po edhe ndaj shërbëtorëve të shtetit e të popullit shqiptar
”-shkruan Rama.
