Kina tha se zhvilloi stërvitje ushtarake pranë Tajvanit sot, në përgjigje të “provokimeve” dhe “marrëveshjeve të fshehta” midis Shteteve të Bashkuara dhe autoriteteve të ishullit.
Numri i pajisjeve të mobilizuara nuk është specifikuar dhe as vendndodhja e saktë e këtyre manovrave.
Ushtria Çlirimtare Popullore “kryesoi stërvitje të përbashkëta të gatishmërisë luftarake në det dhe hapësirën ajrore rreth ishullit të Tajvanit”, tha në një deklaratë Shi Yi, një zëdhënës i operacioneve. “Kjo është një përgjigje e fortë ndaj marrëveshjeve të fshehta në rritje midis Shteteve të Bashkuara dhe autoriteteve tajvaneze dhe provokimeve të tyre,” shtoi ai./Opinion.al
