Hetuesit belgë kontrolluan zyrat në Parlamentin Evropian në Bruksel të hënën, si pjesë e hetimeve që po kryhen dyshimet e korrupsionit nga Katari, mikpritës i Kupës së Botës.
BBC shkruan se, ky ishte kontrolli i 20-të i kryer që nga e premtja dhe presidentja e Parlamentit Europian, Roberta Metsola, paralajmëroi eurodeputetët se “demokracia është nën sulm”.
Policia belge deri më tani ka akuzuar katër persona, mes tyre edhe zëvendëspresidenten e Parlamentit Evropian Eva Kaili, një eurodeputete greke.
Ndërkohë, Katari ka mohuar të ketë lidhje me rastin, ndërsa avokati i Kailit thotë se ajo është e pafajshme.
“Ajo deklaroi pafajësinë e saj dhe se nuk ka asnjë lidhje me ryshfetin nga Katari,” tha avokati i Kailit, Michalis Dimitrakopoulos për TV grek të martën.
Prokurorët belgë thanë se në shtëpinë e njërit prej të dyshuarve u gjetën rreth 600,000 kesh, 150,000 euro në banesën e një eurodeputeti dhe qindra mijëra euro të tjera në një valixhe në një dhomë hoteli në Bruksel.
I pyetur nëse ishin gjetur para në banesën e Kailit, avokati i saj tha: “Nuk e di nëse janë gjetur para apo sa janë gjetur”.
Kërkimet janë bërë si në Bruksel ashtu edhe në Itali. Që nga e premtja, burimet e IT-së të 10 punonjësve të parlamentit janë “ngrirë” për të parandaluar zhdukjen e të dhënave të nevojshme për hetimin.
Katër të dyshuarit e arrestuar nga policia belge janë akuzuar për “pjesëmarrje në një organizatë kriminale, pastrim parash dhe korrupsion”, thanë prokurorët në një deklaratë të dielën. Ata do të dalin para një gjykate të mërkurën.
Kaili, eurodeputete për tetë vjet u pezullua nga detyra e saj si një prej14 zv/presidentet nga presidentja Metsola. Një votim do të zhvillohet në
Parlamentin Evropian në Strasburg të martën për t’i hequr asaj rolet, përpara një debati urgjent mbi këtë skandal.
Ajo është pezulluar gjithashtu nga parlamenti i grupeve Socialiste dhe Demokrate në parlament dhe është përjashtuar nga partia e qendrës së majtë greke Pasok.
Autoritetet greke kanë ngrirë pasuritë që i përkasin Kailit, bashkëshortit të saj dhe anëtarëve të ngushtë të familjes.
Gjashtë persona u arrestuan të premten si pjesë e hetimit pas dyshimeve se Katari ka korruptuar zyrtarë të BE për të fituar influencë. 2 prej të ndaluarve u lanë të lirë.
Emrat e të arrestuarve nuk janë bërë publikë, por Kaili besohet të jetë një prej tyre./Opinion.al
