Kryetari i KQZ Ilirjan Celibashi në një deklaratë për mediat ditën e sotme deklaroi se nuk do të ketë ndryshime të minutës së fundit sa i përket kodit zgjedhor për zgjedhjet lokale të 14 majit të vitit 2023.
“Duket se nuk do të ketë ndryshime të minutës së fundit dhe të Kodit Zgjedhor. Besoj se ky kuadër rregullator që është në fuqi përsa i përket zgjedhjeve vendore do të jetë në fuqi dhe nuk do të ketë ndryshime. Nëse këto ndryshime janë të thella, do të ndikojnë negativisht në zgjedhje, por duket se nuk do të ndryshojë asgjë.
Sa i përket akuzave për financimet ruse të PD-së gjatë kohës që drejtohej nga Lulzim Basha, Celibashaj u shpreh se çështja po adresohet nga prokuroria dhe se një gjë e tillë përbën shkelje të rëndë penale.
“Ka parashikime në Kodin Penal dhe në Kodin Zgjedhor në lidhje me këtë çështje dhe janë çështje që janë duke u adresuar nga organi i Prokurorisë. Përbën shkelje penale të ligjit të cilat klasifikohen si vepra penale dhe si të tilla, ato do të duhet të trajtohen nga Prokuroria dhe Gjykata”, tha Celibashi./Opinion.al
