Presidenti amerikan Joe Biden ka premtuar se nuk do të ketë “Luftë të re të Ftohtë” me Kinën, pas një takimi me presidentin kinez Xi Jinping.
BBC shkruan se, Biden tha gjithashtu se nuk besonte se Kina do të pushtonte Tajvanin.
Ky ishte takimi i parë midis dy liderëve të superfuqive që kur Biden mori detyrën.
Dyshja u takuan në Bali, një ditë përpara samitit të liderëve të G20 në ishullin indonezian.
Në një takim tre-orësh të mbajtur në një hotel luksoz menjëherë pas mbërritjes së Xi Jinping, liderët diskutuan një gamë të gjerë temash, përfshirë Tajvanin.
I pretenduar nga Pekini, ishulli i vetëqeverisur pretendon SHBA-në si aleate dhe ka qenë gjithmonë një çështje e mprehtë në marrëdhëniet SHBA-Kinë.
Tensionet u rritën në gusht kur kryetarja e Dhomës së Përfaqësuesve të SHBA Nancy Pelosi vizitoi Tajvanin. Kina u përgjigj me stërvitje ushtarake në shkallë të gjerë rreth ishullit, duke shkaktuar frikën e një konflikti të mundshëm midis SHBA-së dhe Kinës./Opinion.al
