Një aksident është regjistruar mbrëmjen e sotme rreth orës 19:35, në afërsi të fshatit Vashtmi në Maliq të Korçës.
Sipas policisë, një mjet tip “BMW”, i cili drejtohej nga një 39-vjeçar me iniciale A.D është përplasur me një mjet tip “Volkswagen”, i cili drejtohej nga një 20-vjeçar me iniciale O.P.
Për pasojë janë lënduar shtetasit F. I. dhe shtetasja S. I., të cilët ishin pasagjerë në mjetin tip “Volkswagen”. Ata u dërguan në spitalin e Korçës dhe ndodhen jashtë rrezikut për jetën.
Me drejtuesit e dy mjeteve po kryen veprimet e mëtejshme procedurale, ndërsa grupi hetimor po punon për përcaktimin e shkaqeve të aksidentit./Opinion.al
