Një grua është mbytur paraditen e sotme në plazhin e Durrësit teksa ishte duke u larë.
Policia bën me dije se ngjarja ka ndodhur rreth orës 11:30, ndërsa viktima është identifikuar si 60-vjeçarja me inicialet SH.S, banuese në Tiranë.
“Rreth orës 11:30, në lagjen nr.13 Durrës, dyshohet se është mbytur duke u larë në det, shtetasja Sh. S., 60 vjeçe, banuese në Tiranë”, njofton policia.
Sakaq, grupi hetimor ndodhet në vendngjarje dhe po punon për sqarimin e rrethanave të ngjarjes./Opinion.al
