Një nënë e re që ishte shtatzënë me fëmijën e saj të katërt është gjetur e vrarë dhe e gjymtuar. Sipas policisë ky veprim mund të ketë ndodhur si një “sakrificë rituale”.
Mediat e huaja shkruajnë se, trupi gjysmë i zhveshur i 24-vjeçares Ohana Karolin u gjet në Portal dos Lagos në shtetin brazilian të Sao Paulo.
Mësohet se kur u gjet, 24-vjeçarja ishte e veshur vetëm me një bluzë, ndërsa pjesa tjetër e rrobave të saj ishin të gjakosura. Sakaq, pranë saj ishin të shpërndara një grumbull i vogël parash.
Sipas autoriteteve vendase, barku i të resë ishte prerë në feta, ndërsa bëhet me dije se ajo ishte shtatë muajshe shtatzënë.
Vendi ku u zbulua nëna e tre fëmijëve, në qendër të një grupi kishash të besimeve të ndryshme, ka forcuar teorinë se vdekja e saj mund të jetë rezultat i asaj që policia e ka përshkruar si një “ritual makabër”.
Zona e vogël e pyllëzuar është përdorur shpesh për shërbime lutjesh në ajër të hapur dhe vigjilje fetare.
Ndërkoë, ish-bashkëshorti i viktimës, i cili është babai i tre fëmijëve të saj, u thirr nga policia për të identifikuar trupin e saj.
I dashuri i ri i Ohanës është intervistuar në lidhje me ngjarjen e tmerrshme, por ende policia nuk ka asnjë të dyshuar.
Një shoqe e saj pohoi se e kishte parë Ohanën brenda një makine të zezë rreth mesnatës së ditës së krimit./Opinion.al
