Deputeti i Partisë së Lirisë Petrit Vasili ka mohuar që kreu i kësaj force politike të ketë qenë bashkëpunëtor i Sigurimit të Shtetit.
Referuar kërkesës së Autoritetit të Dosjeve në kuvend për të ndryshuar ligjin mbi bashkëpunëtorët, Vasili tha se për më tepër “Kuvendi i Shqipërisë është informuar nga autoriteti kur dosja nuk ishte deklasifikuar akoma”.
Vasili ka paraqitur në emisionin “Opinion”, dokumenta që sipas tij konfirmojnë që nuk është zoti Meta njeriu të cilit dosja i referohet.
“Në rastin konkret, përgjigjen më të qartë e ka dhënë vetë personi i prekur, në deklaratën e tij të vitit 1990 në 9 Mars, ku thotë që personat me të cilët kam folur kanë qenë I. M. që nuk është Ilir Meta dhe një shok tjetër A. Z. me të cilët kam biseduar. I kishte shok konvikti dhe me ata ka folur. Pasi i doli emri në publik ai ka bërë një pronocnim të menjëhershëm. I ka bërë kërkesë autoritetit të dosjeve, ka marr dosjen e deklasifikuar dhe i ka bërë në mënyrë të menjëhershme autoritetit të dosjeve, kërkesë për korigjim të dosjes”, tha Vasili./Opinion.al
