Detaje të reja zbulohen çdo ditë lidhur me aktivitetin e Ervis Martinajt, fati i të cilit prej ditësh mbetet një mister.
Për këtë rast ka folur në “ABC”, gazetari Ferdinand Dervishi i cili thotë se Martinaj është një nga bosët më të mëdhenj që deri ne 2013 kontrollonte lojërat e fatit. Dervish zbuloi një detaj nga kontrolli që policia ka bërë në zyrat e tij në vitin 2013.
Dervishi thotë se në zyra ndodheshin dy makineri që numëronin para gjatë gjithë ditës dhe besohet se fitimi ditor nga ky biznes për Martinajn të arrinte deri në 1 milion euro.
“Ervis Martinaj ka zënë faqet e para të medias. Njihet si bosi i basteve sportive. Ky njeri deri në vitin 2013 kontrollonte më së shumti lojërat e fatit në Shqipëri. Sa lekë çlirojnë këto lojëra fati. Kam një të dhënë. Në tetor të 2013 ,në momente kur u ndaluan lojërat e fatit, ky akuzohet se ka vrarë bashkëpunëtorin e vet Elvis Doçi. Ky i kishte shitur një numër shumë të madh të kompanive të tij, menjëherë sapo i bleu Martinaj këto ato u bllokuan. Supozohet se Elvisi e dinte që do i mbylleshin dhe i bëri këtë lojë. Për këtë mendohet se ky është vrasësi. Në këtë kohë policia ka bërë një kontroll të ambienteve ku Elvis Martinaj kishte zyrat e tij, buzë Lanës. Brenda kishte një numër të madh njerëzish që kishin përpara nga ato makinat që numëronin paratë. Zukama e makinave ngjanin si një makineri tejzgjahu. Gjithë ditën numëroheshin lekë. Gjatë kontrollit aty njëra makinë kishte 970 milion lekë dhe tjetra 1.3 miliard lekë. Të dyja bashkë bënin te 2 miliard. Pra 1 milion euro në ditë mund të ketë qenë fitimi i tij në ditë. Më pas u futën te bastet sportive ilegale që luhen me internet. E ka vazhduar këtë punë. Ky ishte Elvis Martinaj. Një njeri që presupozohet që kishte më shumë lekë nga të gjithë. Ky njeri në ecurinë e tij ka bërë, pleqtë e vjetër lënë ca fraza: ‘e hëngri shpejt qerthurin’. Ai bëri armiq edhe në grupe biznesi. Ky njeri që po e shikonte që e ri pushteti. Doli vetë hapur? Nuk e bënte kurrë. Këto të krimit, bosët, kanë hasmëri, ajo që i mban në lojë dhe që i mban gjallë janë shumat e lekëve që kanë. Unë besoj se më shumë i jep peshë faktit edhe prej idesë se policia ende nuk ka një provë të vetme. Unë i shkoj idesë që ai njeri mund edhe ta ketë zgjidhur me vetëlargim”, u shpreh gazetari.
