Kryetari i Partisë Demokratike, Sali Berisha, i bëri thirrje qeverisë bullgare që të hedhe në gjyq kryeministrin Edi Rama për deklaratat e tij ndaj Bullgarisë.
Gjithashtu Berisha i sygjeroi Bullgarisë që të kërkojë testin e drogës për Ramën.
“Duke i kërkuar edhe njëherë ndjesë qeverisë bullgarë, i bëj thirrje ta hedhë në gjyq për shpifje, sepse ky është një shpifës kongjenital. Thirrja e dytë miqësore për ta, që të kërkojnë testin e drogës, sepse një njeri i tillë mund të ndërmarrë një sulm ndaj një vendi mik dhe aleat me një marrëdhënie të shkëlqyer mes kombeve dhe vendeve siç bën ai”, tha Berisha.
Ministria e Jashtme e Bullgarisë reagoi dje pas deklaratave të Kryeministrit Edi Rama në Forumin e Bledit se Shqipërisë iu pengua hapja e negociatave me BE për 8 vjet për shkak të vetosbullgare ndaj Maqedonisë së Veriut.
Ministria e Jashtme e Bullgarisë i konsideroi të papërgjegjshme këto deklarata, ndërsa thotë se po mban qëndrimin e saj në lidhje me retorikën anti-bullgare të Ramës që është kthyer në një refren në fjalimet e tij.
