Një aksident rrugor është regjistruar mbrëmjen e sotme në Lushnje. Policia bën me dije se rreth orës 20:30, në aksin rrugor Fier-Lushnjë, në fshatin Pirrë një automjet është përplasur me një mjet bujqësor. Si pasojë janë lënduar tre persona dhe dy fëmijë të mitur të cilët ndodhen në spital nën kujdesin e mjekëve.
“Sot, rreth orës 20:30, në aksin rrugor Fier-Lushnjë, në fshatin Pirrë, shtetasi J. K., 55 vjeç, duke drejtuar automjetin është përplasur me një mjet bujqësor, me drejtues shtetasin I. K., 27 vjeç, banues në fshatin Pirrë.
Si pasojë e përplasjes janë dëmtuar lehtë drejtuesi i automjetit dhe pasagjerët, shtetasit G. K., 46 vjeçe, Dh. T., 52 vjeçe, M. T., 58 vjeç, dhe dy fëmijë të mitur 12 vjeç dhe 11 vjeç, të cilët ndodhen në spital nën kujdesin e mjekëve, jashtë rrezikut për jetën”-njofton policia.
Grupi hetimor po punon për zbardhjen e rrethanave të aksidentit.
