Një 33 vjeçar në Kinë ka zbuluar se ishte lindur me vezore dhe mitër. Ai e mësoi këtë kur shkoi tek doktori pas ankesave për gjak në urinë dhe dhimbje në bark.
Chen Li, emri i së cilit në fakt është ndryshuar për t’i mbrojtur identitetin, u habit kur zbuloi se kishte lindur me të dyja gjinitë. Pavarësisht se ai ka organe gjenitale, Li ka lindur edhe me kromozomet seksuale femërore, vezore dhe mitër.
Sipasmediave ndërkombëtare, Chen ka përjetuar për 20 vite me radhë menstruacione pa i kuptuar ato, pavarësisht se urinonte gjak dhe kishte dhimbje barku. Pasi përjetoi shqetësime të vazhdueshme në stomak, një mjek e diagnostikoi atë me apendicit.
Por pavarësisht trajtimit, dhimbja vazhdonte dhe vetëm vitin e kaluar pas një check-up ai zbuloi shkakun e vërtetë të gjendjes së tij. Dhimbja shkaktohej nga menstruacionet dhe gjaku në urinë ishte rezultat i periodave.
Chen Li u shokua kur u informua për gjendjen e tij se ka organet femërore të riprodhimit. Sipas asaj që shkruajnë mediat, ai vendosi që t’i nënshtrohej një operacioni dhe muajin e kaluar i hoqi ato.
Chen kishte nivel mesatar të hormoneve seksuale mashkullore dhe nivelet e tij seksuale femërore ishin të krahasueshme me atë të një gruaje të rritur dhe të shëndetshme.
Por ajo që shkruajnë mediat është se i riu pësoi traumë si pasojë e zbulimit, por pas operacionit, mjekët thanë se ka nisur të marrë veten. Megjithatë sipas kirurgut, pavarësisht se mund të jetojë jetën vetëm si mashkull “ai nuk mund të riprodhojë sepse testikujt nuk i prodhojnë spermë”.
Një rast i ngjashëm ndodhi në Kinë edhe vitin e kaluar. Një 25-vjeçare zbuloi se kishte lindur edhe me kromozome mashkullore pas një vizite tek doktori për dhimbje gjuri.
